കോഴിക്കോട്: ഓണക്കച്ചവടം പൊടിപൊടിക്കാന്‍ വന്‍കിട കമ്പനികള്‍ വമ്പന്‍ ഓഫറുകള്‍ പ്രഖ്യാപിക്കുന്നത് സര്‍വ്വസാധാരണമായിരിക്കും. എന്നാല്‍ കോഴിക്കോട്ടെ ഒരു സാധാരണ ഇറച്ചിക്കട ഇങ്ങനെ ഒരു ഓഫര്‍ പ്രഖ്യാപിച്ചാലോ?.
കച്ചവടം പൊടിക്കാന്‍ അങ്ങനെ ഒരു ഓഫറുമായി വന്നിരിക്കുകയാണ് കോഴിക്കോട് പുതിയങ്ങാടിയിലെ ഒരു ഇറച്ചിക്കട. ഒരു കിലോ കോഴി ഇറച്ചി വാങ്ങിയാല്‍ കോളി ഫ്‌ളവര്‍, എളവന്‍, മത്തന്‍, പച്ചമുളക്, കാബേജ് തുടങ്ങി 5 ഇനങ്ങള്‍ തികച്ചു സൗജന്യം പ്രഖ്യാപിച്ചിരിക്കുകയാണ് ഈ ഇറച്ചിക്കട.
പുതിയങ്ങാടിയിലെ സിപിആര്‍ ചിക്കന്‍ സെന്ററില്‍ നിന്ന് ഇറച്ചി വാങ്ങുമ്പോഴാണ് ഈ ഓഫര്‍. ഓഫര്‍ പ്രഖ്യാപിച്ചതോടെ കടയില്‍ ഇറച്ചി വാങ്ങാനെത്തുന്നവരുടെ എണ്ണം വര്‍ധിച്ചതായി കടയുടമ പറയുന്നു.
മലബാറില്‍ ഓണസദ്യയ്ക്ക് മാംസവും വളരെ പ്രധാനമാണ്. അതുകൊണ്ടുകൂടിയാണ് വ്യത്യസ്ത ഓഫറുമായി ഇറച്ചി വ്യാപാരി ഓണക്കച്ചവടം കൊഴുപ്പിക്കുന്നത്
വരും ദിവസങ്ങില്‍ കൂടുതല്‍ വ്യാപാരികള്‍ പുതിയ ഓഫറുകളുമായി രംഗത്ത് വരുന്നതോടെ ഓണക്കച്ചവടം പൊടിപൊടിക്കും.
Discussion about this post