ന്യൂഡൽഹി: ഡൽഹിയിൽനിന്ന് ദോഹയിലേക്ക് പുറപ്പെട്ട ഇൻഡിഗോ വിമാനത്ത്ിന് കറാച്ചി വിമാന്തതാവളത്തിൽ അടിയന്തര ലാൻഡിംഗ്. യാത്രക്കാരന്റെ ആരോഗ്യനില മോശമായതിനെ തുടർന്നാണ് വിമാനം പാകിസ്താനിലെ കറാച്ചി വിമാനത്താവളത്തിലേക്ക് വഴിതിരിച്ചുവിട്ടത്.
യാത്രക്കാരന്റെ ജീവൻ രക്ഷിക്കുക എന്ന ലക്ഷ്യത്തോടെയായിരുന്നു അടിയന്തര ലാൻഡിംഗ് നടത്തിയതെങ്കിലും അദ്ദേഹത്തെ രക്ഷിക്കാനായില്ല. നൈജീരിയൻ പൗരനായ അബ്ദുള്ള (60) യാണ് മരിച്ചത്.
വിമാനം ലാൻഡ് ചെയ്യുന്നതിന് മുൻപു തന്നെ മരണം സംഭവിക്കുകയായിരുന്നു. തുടർന്ന് അബ്ദുള്ളയുടെ മൃതദേഹവുമായി വിമാനം തിരികെ ഡൽഹിയിലേക്ക് മടങ്ങി.
വിമാനത്തിലെ മറ്റ് യാത്രക്കാർക്ക് വേറെ സൗകര്യങ്ങൾ ഒരുക്കി നൽകുന്നതുമായി ബന്ധപ്പെട്ട നടപടികൾ പുരോഗമിക്കുകയാണെന്ന് ഇൻഡിഗോ അറിയിച്ചു.
Discussion about this post