റിയാദ്: കൊവിഡ് രോഗത്തിൽ നിന്നും മുക്തി നേടിയ മലയാളി യുവാവ് ഹൃദയാഘാതം മൂലം സൗദി അറേബ്യയുടെ കിഴക്കൻ പ്രവിശ്യയായ ജുബൈലിൽ മരിച്ചു. കോട്ടയം തിരുവല്ല വളഞ്ഞവട്ടം പുളിക്കീഴ് സ്വദേശി ഡേവിഡിന്റെ മകൻ അജുമോൻ (33) ആണ് മരിച്ചത്.
കഴിഞ്ഞ മാസം കൊവിഡ് പോസിറ്റീവ് ആയതിനെ തുടർന്ന് ചികിത്സയിലും വിശ്രമത്തിലും ആയിരുന്നു. മൂന്നാഴ്ച മുമ്പ് ടെസ്റ്റ് നടത്തിയപ്പോൾ നെഗറ്റീവായിരുന്നു ഫലം.
ചൊവ്വാഴ്ച പുലർച്ചെ താമസസ്ഥലത്ത് ഉറക്കത്തിൽ നെഞ്ചുവേദന അനുഭവപ്പെട്ട് ഉണർന്ന അജുമോനെ കൂടെ ഉണ്ടായിരുന്നവർ ആംബുലൻസ് വരുത്തി ആശുപത്രിയിലെത്തിക്കാൻ ശ്രമിച്ചെങ്കിലും മരണം സംഭവിക്കുകയായിരുന്നു. മൃതദേഹം ദമ്മാം ആശുപത്രിയിലേക്ക് മാറ്റി. സന്നദ്ധ പ്രവർത്തകരായ സലിം ആലപ്പുഴ, തോമസ് മാത്യു മമ്മൂടൻ, ബൈജു അഞ്ചൽ എന്നിവർ തുടർ നടപടികൾക്കായി രംഗത്തുണ്ട്. നാലു വർഷത്തിലേറെയായി ജുബൈലിൽ ഒരു സ്വകാര്യ കമ്പനിയിൽ ജീവനക്കാരനാണ് അവിവാഹിതനായ അജുമോൻ.
Discussion about this post