കല്പ്പറ്റ: വയനാട്ടില് കടുവയുടെ ആക്രമണത്തില് ഒരാൾ മരിച്ചു. പുല്പ്പള്ളിക്കടുത്തു ദേവര്ഗദ്ദ മാടപ്പള്ളി ഉന്നതിയിലെ കൂമനാണ് മരിച്ചത്.
വയനാട് വന്യജീവി സങ്കേതത്തിലെ വണ്ടിക്കടവ് വനത്തില് വനവിഭവങ്ങള് ശേഖരിക്കാന് പോയപ്പോഴായിരുന്നു കടുവ ആക്രമിച്ചത്. ഗുരുതരമായി പരിക്കേറ്റ കൂമനെ ആശുപത്രിയിലേക്ക് കൊണ്ടുപോകുന്നതിനിടെയാണ് മരണം സംഭവിച്ചത്.
അതേസമയം, ഏത് കടുവയാണ് കൂമനെ ആക്രമിച്ചതെന്ന് തിരിച്ചറിയാന് സാധിച്ചിട്ടില്ല. കടുവയെ കൂട് വെച്ച് പിടികൂടാനുള്ള നടപടി തുടങ്ങുമെന്നും അസിസ്റ്റന്റ് കണ്സര്വേറ്റര് ജോഷില് പറഞ്ഞു.
കൂമൻ്റെ കുടുംബത്തിന് കേരളസര്ക്കാര് ധനസഹായം പ്രഖ്യാപിച്ചു. കൂമന്റെ കുടുംബത്തിന് 10 ലക്ഷം രൂപ നല്കുമെന്ന് വനംവകുപ്പ് അറിയിച്ചു. ആറുലക്ഷം രൂപ ഇന്ന് തന്നെ കൈമാറും.
ആദിവാസികള്ക്കുള്ള ഗ്രൂപ്പ് ഇന്ഷുറന്സ് തുകയും ലഭ്യമാക്കും. മകന് താത്കാലിക ജോലി നല്കുമെന്ന് എം ജോഷില് മാധ്യമങ്ങളോട് പറഞ്ഞു.
Discussion about this post