പത്തനംതിട്ട: രാഹുല് മാങ്കൂട്ടത്തില് എംഎല്എ അറസ്റ്റില്. മൂന്നാം ബലാത്സംഗ പരാതിയില് ആണ് രാഹുലിനെ അറസ്റ്റ് ചെയ്തത്. രാത്രി 12.30ഓടെ പാലക്കാട് നിന്നാണ് രാഹുലിനെ സംസ്ഥാന ക്രൈംബ്രാഞ്ച് കസ്റ്റഡിയിലെടുത്തത്.
രാഹുലിനെ പത്തനംതിട്ട എആര് ക്യാംപില് എത്തിച്ച് അറസ്റ്റ് രേഖപ്പെടുത്തുകയായിരുന്നു. ചോദ്യം ചെയ്യലിനു ശേഷം രാഹുലിനെ തിരുവല്ല മജിസ്ട്രേറ്റ് കോടതിയില് ഹാജരാക്കും.
ഇ-മെയില് വഴിയാണ് പരാതി ലഭിച്ചത്. ഗര്ഭച്ഛിദ്രത്തിന് രാഹുല് നിര്ബന്ധിച്ചുവെന്നും ബലാത്സംഗം ചെയ്തുവെന്നുമാണ് കേസ്.
തിരുവല്ലയില് വച്ചാണ് രാഹുല് യുവതിയെ ബലാത്സംഗം ചെയ്തതെന്നാണ് സൂചന. പാലക്കാട് ഫ്ലാറ്റ് വാങ്ങിത്തരണമെന്ന് രാഹുല് തന്നോട് നിര്ബന്ധിച്ചുവെന്നും സാമ്പത്തിക ചൂഷണം നടത്തിയെന്നും പരാതിയില് പറയുന്നു.
മുഖ്യമന്ത്രിക്ക് ലഭിച്ച പരാതി ക്രൈംബ്രാഞ്ചിന് കൈമാറുകയായിരുന്നു.
Discussion about this post