കണ്ണൂര്: മൈസൂരുവിൽ വാഹനാപകടത്തില് മലയാളിയായ നാലു വയസുകാരിക്ക് ദാരുണാന്ത്യം. മുണ്ടേരി സ്വദേശിയായ ഐസ മറിയമാണ് മരിച്ചത്.
ഇന്നലെ രാത്രിയായിരുന്നു അപകടം.
മയ്യില് ഐടിഎം കോളജ് ചെയര്മാന് സിദ്ദീഖിന്റെയും സബീനയുടെയും മകളാണ് ഐസ. ബംഗളൂരുവിനും മൈസൂരുവിനും ഇടയില് രാമനഗരിയിലാണ് അപകടം.
കുടുംബസമേതം ഗൃഹപ്രവേശനവുമായി ബന്ധപ്പെട്ട് രണ്ടു കാറുകളിലായി ബംഗളൂരുവില് വീട്ടുപകരണങ്ങള് വാങ്ങാന് പോയി മടങ്ങുന്നതിനിടെയായിരുന്നു അപകടം.
കാര് ഓടിച്ചിരുന്നയാളെ പരിക്കുകളോടെ ബംഗളൂരു മണിപ്പാല് ആശുപത്രിയില് പ്രവേശിപ്പിച്ചു. മുഹമ്മദ് റിയാന്, ഫാത്തിമത്ത് ശഹസ് എന്നിവരാണ് ഐസയുടെ സഹോദരങ്ങള്.
Discussion about this post