ന്യൂഡൽഹി: ബലാത്സംഗ കേസിൽ ഒളിവിൽ കഴിയുന്ന രാഹുൽ മാങ്കൂട്ടത്തിൽ എംഎൽഎയെ പാർട്ടിയിൽ നിന്നും പുറത്താക്കാൻ ഒരുങ്ങി കോണ്ഗ്രസ് ഹൈക്കമാന്ഡ്. ഇതുസംബന്ധിച്ച തീരുമാനം ഉടനുണ്ടായേക്കും.
കെപിസിസി ശുപാര്ശയോടെ എഐസിസി ഇതുസംബന്ധിച്ച തീരുമാനമെടുക്കും. രാഹുൽ മാങ്കൂട്ടത്തിലിനെതിരായ കടുത്ത നടപടിയിൽ കെപിസിസിക്ക് ഉചിതമായ തീരുമാനമെടുക്കാമെന്ന സന്ദേശം ഹൈക്കമാന്ഡ് നൽകി.
കേരളത്തിന്റെ ചുമതലയുള്ള ദീപ ദാസ് മുൻഷിയിൽ നിന്നും രാഹുലിനെതിരെ ലഭിച്ച പരാതികളിൽ ഹൈക്കമാന്ഡ് വിവരങ്ങള് തേടി. എം എൽഎക്കെതിരായ പരാതികൾ ഗുരുതര സ്വഭാവമുള്ളതെന്നും തെരഞ്ഞെടുപ്പുകളിൽ പാർട്ടിക്ക് ദോഷം ചെയ്യുമെന്നും ദീപ ദാസ് മുൻഷി നേതൃത്വത്തെ അറിയിച്ചു.
അതേസമയം, കെ മുരളീധരൻ, ജെബി മേത്തര് എംപി, ഷാനിമോള് ഉസ്മാൻ ഉള്പ്പെടെയുള്ള നേതാക്കള് രാഹുലിനെതിരെ കടുത്ത നടപടിയുണ്ടാകണെന്ന് പരസ്യമായി ആവശ്യപ്പെട്ടു.
Discussion about this post