തിരുവനന്തപുരം: കരമനയാറ്റിൽ നിന്നും മൂന്നുദിവസത്തെ പഴക്കമുള്ള അജ്ഞാത മൃതദേഹം കണ്ടെത്തി. മൃതദേഹം പുരുഷന്റേതാണ്. എന്നാൽ മുഖം വ്യക്തമല്ല.
ഏകദേശം അറുപത് വയസ് തോന്നിക്കുന്നതാണ് മൃതദേഹം. പുഴയിൽ മൃതദേഹം കണ്ട സമീപവാസികളാണ് വിവരം ഫയർഫോഴ്സിനെ അറിയിച്ചത്.
ഇതിന് പിന്നാലെ മൂന്നരയോടെ സജി, വിജിൻ എന്നിവരുടെ നേതൃത്വത്തിലുള്ള ഫയർഫോഴ്സ് സ്കൂബ സംഘം സ്ഥലത്തെത്തിയാണ് മൃതദേഹം കരയ്ക്കെത്തിച്ചത്.
ലുങ്കിയും അടിവസ്ത്രവും ധരിച്ച നിലയിൽ കണ്ടെത്തിയ മൃതദേഹത്തിന് മൂന്ന് ദിവസത്തോളം പഴക്കമുണ്ടാകുമെന്ന് ഫയർഫോഴ്സ് ഉദ്യോഗസ്ഥർ പറഞ്ഞു. കനത്ത മഴയിൽ ഇവിടെ ഒഴുക്ക് ശക്തമായിരുന്നതിനാൽ കഴിഞ്ഞ ദിവസങ്ങളിൽ മറ്റെവിടെ നിന്നെങ്കിലും ഒഴുകിയെത്തിയതാണോ മൃതദേഹമെന്നും സംശയമുണ്ട്.
Discussion about this post