കൊച്ചി: മഴയില് വെള്ളം കയറിയ ഡിപ്പോയിലിരുന്ന് വള്ളംകളിയുമായി കെഎസ്ആര്ടി ജീവനക്കാര്. വഞ്ചിപാട്ട് അനുകരിച്ച് കെഎസ്ആര്ടിസി എറണാകുളം സൗത്ത് ഡിപ്പോയിലെ മാനേജറും ജീവനക്കാരുമാണ് വള്ളംകളി നടത്തിയത്.
കനത്ത മഴയില് ഓഫിസില് വെള്ളം കയറിയിരുന്നു. ഓഫിസിന് അകത്തേക്ക് വരെ വെള്ളം ഇരച്ചു കയറിയെത്തിയത് ജീവനക്കാര്ക്കും യാത്രക്കാര്ക്കും ഒരുപോലെ ബുദ്ധിമുട്ടായി. ഇതിനിടെയാണ് വീഡിയോ ചിത്രീകരിച്ചത്.
എറണാകുളം സൗത്ത് ഡിപ്പോയിലെ സ്റ്റേഷന് മാസ്റ്ററായ ബിനില് ആന്റണിയും എന്ക്വയറി വിഭാഗത്തിലെ ഉദ്യോഗസ്ഥരായ എല്ദോ, സന്തോഷുമാണ് വീഡിയോയിലുള്ളത്.
മുട്ടോളം വെള്ളം കയറിയ ഓഫീസില് ടേബിളിന് മുകളില് കയറിയിരുന്നാണ് മൂവരും വഞ്ചിതുഴയല് അനുകരിക്കുന്നത്. വീഡിയോയുടെ പശ്ചാത്തലത്തില് ഷൈജു ദാമോദരന്റെ കമന്ററിയും ഉള്പ്പെടുത്തിയാണ് സമൂഹ മാധ്യമങ്ങളില് പ്രചരിപ്പിക്കുന്നത്. വളരെ പെട്ടെന്നുതന്നെ വീഡിയോ വൈറലാകുകയും ചെയ്തു.
Discussion about this post