മലപ്പുറം: നിയന്ത്രണം വിട്ട കാർ വെള്ളക്കെട്ടിലേക്ക് മറിഞ്ഞ് മൂന്ന് വയസുകാരിക്ക് ഗുരുതര പരിക്ക്. മലപ്പുറം എടരിക്കോട് മമ്മാലിപ്പടിക്ക് സമീപത്താണ് അപകടം സംഭവിച്ചത്.
അപകടത്തിൽ എടരിക്കോട് സ്വദേശി ഹുബൈബ് ഹുദവിയുടെ മകൾ തൗഹക്കാണ് പരിക്കേറ്റത്. കനത്ത മഴയില് പുത്തനത്താണ് ഭാഗത്ത് നിന്നും വരികയായിരുന്ന കാർ നിയന്ത്രണം നഷ്ടപ്പെട്ട് വെള്ളക്കെട്ടിലേക്ക് മറിയുകയായിരുന്നു.
കാറിൽ ഉണ്ടായിരുന്ന മറ്റുള്ളവർക്ക് നിസാര പരിക്കാണ് ഉള്ളത്. കഴിഞ്ഞ ദിവസം രാത്രി എട്ടരയോടെയായിരുന്നു അപകടം.പുതുപ്പറമ്പിലെ പെങ്ങളുടെ വീട്ടിലേക്ക് പോകുകയായിരുന്നു കുടുംബം.
നിർമാണ പ്രവൃത്തികൾ നടക്കുന്ന ഭാഗത്തെ വെള്ളക്കെട്ടിലേക്ക് കാർ തലകീഴായി മറിയുകയായിരുന്നു. അപകടത്തിൽ ഗുരുതരമായി പരിക്കേറ്റ തൗഹയെ ആശുപത്രിയിൽ പ്രവേശിപ്പിച്ചു.
Discussion about this post