മലപ്പുറം: കളിക്കുന്നതിനിടെ ഗേറ്റ് ദേഹത്തു വീണ് മൂന്നു വയസ്സുകാരിക്ക് ദാരുണാന്ത്യം. മലപ്പുറം ജില്ലയിലെ നിലമ്പൂരില്‍ ആണ് സംഭവം. വണ്ടൂര്‍ സ്വദേശി ഏറാംതൊടിക സമീറിന്റെയും ഷിജിയയുടെയും മകള്‍ ഐറ ബിന്ദ് സമീറാണ് മരിച്ചത്.
സമീറിന്റെയും ഷിജിയയുടെയും ഇളയ മകളാണ് ഐറ.
ഞായറാഴ്ച വൈകീട്ട് 5ന് ആണ് അപകടം. നിലമ്പൂര്‍ മണലോടിയിലെ വാടക ക്വാര്‍ട്ടേഴ്സില്‍ കുട്ടി കളിക്കുന്നതിനിടെയാണ് അപകടം സംഭവിച്ചത്.
കുട്ടി കളിക്കുന്നതിനിടെ ഗേറ്റ് മറിഞ്ഞ് ദേഹത്ത് വീഴുകയായിരുന്നു. ഗുരുതര പരിക്കുകളോടെ നിലമ്പൂര്‍ ജില്ലാ ആശുപത്രിയില്‍ എത്തിച്ച കുഞ്ഞിന് പ്രാഥമിക ചികിത്സ നല്‍കി.
പിന്നീട് കോഴിക്കോട് മെഡിക്കല്‍ കോളജ് ആശുപത്രിയിലേക്ക് അയച്ചെങ്കിലും പോകും വഴി മരണം സംഭവിക്കുകയായിരുന്നു. തലയ്‌ക്കേറ്റ പരിക്കാണ് മരണകാരണമായത്.
Discussion about this post