കണ്ണൂര്: ബൈക്കില് ടിപ്പര് ലോറിയിടിച്ചുണ്ടായ അപകടത്തില് യുവാവിന് ദാരുണാന്ത്യം. കണ്ണൂര് ജില്ലയിലെ പയ്യന്നൂരിലാണ് സംഭവം. കാട്ടാമ്പള്ളി സ്വദേശി താജുദ്ദീന് ആണ് മരിച്ചത്.
ഉച്ചയ്ക്ക് രണ്ടുമണിയോടെയാണ് സംഭവം നടന്നത്. ഇന്നേ ദിവസം സംസ്ഥാനത്ത് സംഭവിക്കുന്ന രണ്ടാമത്തെ ടിപ്പര് അപകടമാണിത്. എറണാകുളം ജില്ലയിലെ പെരുമ്പാവൂരിലും അപകടം സംഭവിച്ചിരുന്നു.
ഇന്ന് രാവിലെ ഏഴ് മണിയോടെയുണ്ടായ അപകടത്തില് അച്ഛനും മകളും മരിച്ചിരുന്നു. കോതമംഗലം കറുകടം സ്വദേശി എല്ദോസും മകള് ബ്ലെസി (24)യുമാണ് മരിച്ചത്.
എല്ദോസും ബ്ലെസിയും സഞ്ചരിച്ച ഹോണ്ട യൂണികോണ് ബൈക്കില് എതിരെ വന്ന ടിപ്പര് ലോറി ഇടിച്ചിടുകയായിരുന്നു. ബ്ലെസി സംഭവസ്ഥലത്തും എല്ദോസ് ആശുപത്രിയിലും മരണമടഞ്ഞു.
Discussion about this post