ന്യൂഡല്ഹി: ലോക്പാല് ബില് നടപ്പാക്കണമെന്ന് ആവശ്യപ്പെട്ട് അണ്ണാ ഹസാരെ തുടങ്ങിയ നിരാഹാര സമരം അവസാനിപ്പിച്ചു. ഉന്നയിച്ച ആവശ്യങ്ങള് സര്ക്കാര് അംഗീകരിക്കുമെന്ന് ഉറപ്പ് നല്കിയതായി അണ്ണാ ഹസാരെ പറഞ്ഞു. മഹാരാഷ്ട്ര മന്ത്രി ഗിരീഷ് മഹാജന് അണ്ണാ ഹസാരെയുമായി നടത്തിയ ചര്ച്ചയെ തുടര്ന്നാണ് തീരുമാനം.
ലോക്പാല് ബില് നടപ്പാക്കുമെന്ന് പ്രഖ്യാപിച്ചതല്ലാതെ പ്രാബല്യത്തില് വരുത്താത്ത സര്ക്കാരിനെതിരെ ഹസാരെ രൂക്ഷ വിമര്ശനമാണ് ഉന്നയിച്ചത്. അഴിമതി ഇല്ലാതാക്കാനുള്ള ശ്രമങ്ങള് നടത്താനോ അതിനുള്ള ആര്ജ്ജവമോ ഈ സര്ക്കാരിനില്ല. ലോക്പാല് ബില് നടപ്പിലാക്കാന് വൈകുന്നതിന് നിരവധി കാരണങ്ങളാണ് സര്ക്കാര് പറയുന്നതെന്നും ഹസാരെ കൂട്ടിച്ചേര്ത്തു. ലോക്പാല് ബില്ലിന് രാജ്യത്ത് നടക്കുന്ന എഴുപത് ശതമാനം അഴിമതികള്ക്ക് കുറവ് വരുത്താന് സാധിക്കും. എന്നാല് ബിജെപി സര്ക്കാര് ഈ ബില്ല് തടഞ്ഞു വച്ചിരിക്കുകയാണെന്നാണ് ഹസാരെയുടെ ആരോപണം.
Discussion about this post