സാലിസ്ബറി : കാമുകനോട് പ്രതികാരം ചെയ്യാനുദ്ദേശിച്ച് യുവതി തീയിട്ടത് മറ്റൊരു വീടിന്. നോര്ത്ത് കരോലിന സ്വദേശിയായ ക്രിസ്റ്റി ലൂയിസ് ജോണ്സാണ് തന്നെ ചതിച്ച കാമുകന്റെ വീടാണെന്നോര്ത്ത് മറ്റൊരു വീടിന് തീയിട്ടത്.
ഗോള്ഡ് ഹില് എന്ന സ്ഥലത്ത് വെള്ളിയാഴ്ച പുലര്ച്ചെയായിരുന്നു സംഭവം. വീടിന്റെ പോര്ച്ചില് തടിക്കഷണങ്ങള് അടുക്കി ആരോ തീയിടാനൊരുങ്ങുന്നതായി അയല്ക്കാര് വിളിച്ച് പറഞ്ഞതറിയിച്ചാണ് വീട്ടുടമസ്ഥന് യുവതിയെ പിടികൂടുന്നത്. ഇയാള് കാര്യമറിഞ്ഞ് താഴെയത്തുമ്പോഴേക്കും തീ കത്തിത്തുടങ്ങിയിരുന്നു.
വീട്ടിലേക്കുള്ള പൈപ്പ് കണക്ഷന് വരെ വിച്ഛേദിച്ച് എല്ലാ തയ്യാറെടുപ്പുകളോടും കൂടി നില്ക്കുകയായിരുന്നു ക്രിസ്റ്റി. സ്വയരക്ഷയ്ക്കായി തന്റെ വളര്ത്തുനായയെയും യുവതി കൂടെ കൂട്ടിയിട്ടുണ്ടായിരുന്നു. ഉടന് തന്നെ വീട്ടുടമസ്ഥന് റൈഫിള് ചൂണ്ടി യുവതിയോട് കീഴടങ്ങാന് നിര്ദേശിച്ചു. തുടര്ന്ന് പോലീസെത്തി നടത്തിയ ചോദ്യം ചെയ്യലിലാണ് യുവതി പ്രതികാരം ചെയ്തതാണെന്നും വീട് മാറിപ്പോയെന്നും മനസ്സിലാകുന്നത്.
Also read : കൂള് ആയിരിക്കാം, ഊര്ജം സംരക്ഷിക്കാം… : ടൈ കെട്ടുന്നത് നിര്ത്തണമെന്ന് സ്പെയിന് പ്രധാനമന്ത്രി
വീടിന് ലക്ഷക്കണക്കിന് രൂപയുടെ നഷ്ടങ്ങളുണ്ടായതായാണ് വിവരം. മാരകായുധം ഉപയോഗിച്ചുള്ള ആക്രമണം, കൊള്ളയടിയ്ക്കല്, എന്നീ കുറ്റങ്ങള് ചുമത്തി നിലവില് യുവതിയെ ജയിലിലടച്ചിരിക്കുകയാണ്.
Discussion about this post