തിരുവനന്തപുരം: ന്യൂനപക്ഷ ധനകാര്യ വികസന കോര്പ്പറേഷനില് മന്ത്രി കെടി ജലീലിന്റെ ബന്ധു കെടി അദീബിനെ നിയമിച്ച വിവാദത്തില് വിശദീകരണവുമായി മുഖ്യമന്ത്രി പിണറായി വിജയന്. നിയമനത്തില് ചട്ടലംഘനം നടന്നിട്ടില്ലെന്ന് മുഖ്യമന്ത്രി നിയമസഭയെ അറിയിച്ചു. ആദ്യം അഭിമുഖത്തില് വന്നവര്ക്കാര്ക്കും നിശ്ചിത യോഗ്യത ഇല്ലായിരുന്നു. നേരത്തെ അപേക്ഷ തന്ന് അഭിമുഖത്തിനു വരാതിരുന്ന അദീബ് ചുമതല ഏറ്റെടുക്കാന് തയ്യാറായി. ആരോപണങ്ങളും വിവാദങ്ങളും ഉണ്ടായപ്പോള് അദീബ് മാതൃസ്ഥാപനത്തിലേക്കു മടങ്ങി. നിയമനം കാരണം കോര്പ്പറേഷന് ഒരു രൂപ പോലും നഷ്ടമുണ്ടായിട്ടില്ലെന്നും മുഖ്യമന്ത്രി വിശദീകരിച്ചു.
കെടിജലീല് സത്യപ്രതിജ്ഞാ ലംഘനം നടത്തിയിട്ടില്ല. യുഡിഎഫിന്റെ കാലത്ത് അപേക്ഷ പോലും വാങ്ങാതെ നിയമനം നടത്തിയിരുന്നുവെന്നും മുഖ്യമന്ത്രി ആരോപിച്ചു. അടിയന്തരപ്രമേയം പരിഗണിക്കേണ്ട ആവശ്യമില്ലെന്നും മുഖ്യമന്ത്രി നിയമസഭയെ അറിയിച്ചു.
വിഷയം ചര്ച്ച ചെയ്യണമെന്ന് ആവശ്യപ്പെട്ട് അടിയന്തര പ്രമേയത്തിന് പ്രതിപക്ഷം നോട്ടിസ് നല്കിയിരുന്നു.
Discussion about this post