തൃശൂര്: വിവാദങ്ങൾ ആളിക്കത്തിക്കൊണ്ടിരിക്കെ കേന്ദ്രമന്ത്രി സുരേഷ് ഗോപി ഇന്ന് രാവിലെ തൃശൂരില് എത്തും. രാവിലെ ഒന്പതരയ്ക്ക് റെയില്വേ സ്റ്റേഷനിലെത്തുന്ന സുരേഷ് ഗോപിക്ക് ബിജെപി പ്രവര്ത്തകര് സ്വീകരണം നല്കും.
ഇന്നലെ രാത്രി രണ്ടേമുക്കാലോടെ ഡല്ഹിയില് നിന്നും സുരേഷ് ഗോപി തിരുവനന്തപുരത്ത് എത്തിയിരുന്നു. രാവിലെ 5.15ന് വന്ദേഭാരത് എക്സ്പ്രസില് യാത്ര തിരിച്ച മന്ത്രി ഒന്പതരയ്ക്ക് തൃശൂരില് എത്തും.
തൃശൂര് ലോക്സഭാ തെരഞ്ഞെടുപ്പില് വ്യാജവോട്ട് ആരോപണം കൊഴുക്കുന്നതിനിടെയാണ് സുരേഷ് ഗോപിയുടെ വരവ്. വിഷയത്തിൽ മന്ത്രിയുടെ പ്രതികരണമുണ്ടാകുമെന്നാണ് പ്രതീക്ഷിക്കുന്നത്.
കഴിഞ്ഞ ദിവസം സിപിഎം ജില്ലാ കമ്മിറ്റി ഓഫീസിലേക്ക് ബിജെപി നടത്തിയ മാര്ച്ചില് പരിക്കേറ്റവരെയും മന്ത്രി സന്ദര്ശിക്കും.
Discussion about this post