മലപ്പുറം: നിലമ്പൂര് ഉപതിരഞ്ഞെടുപ്പില് എം സ്വരാജിന് വിജയ സാധ്യതയെന്ന് സിപിഐഎം സംസ്ഥാന സെക്രട്ടറിയേറ്റിന്റെ വിലയിരുത്തല്. വലിയ ഭൂരിപക്ഷത്തിലല്ലെങ്കിലും നിലമ്പൂരില് എല്ഡിഎഫ് വിജയിക്കുമെന്നാണ് സിപിഐഎം സംസ്ഥാന സെക്രട്ടറിയേറ്റ് വിലയിരുത്തുന്നത്.
പ്രചാരണ രംഗത്തും ഇടതുമുന്നണി മുന്നിലാണ്. അന്വര് പിടിക്കുന്ന വോട്ടുകള് നിര്ണായകമാണെന്നാണ് സിപിഐഎം സെക്രട്ടറിയേറ്റ് വിലയിരുത്തുന്നത്. പി വി അന്വര് പിടിക്കുക യുഡിഎഫ് വോട്ടുകളായിരിക്കുമെന്നും സിപിഐഎം കണക്ക് കൂട്ടുന്നു. അന്വറിന്റെ പ്രവര്ത്തനം മന്ദഗതിയിലെന്നും സിപിഐഎം സെക്രട്ടറിയേറ്റിന്റെ വിലയിരുത്തല്. ഇന്ന് നിലമ്പൂരില് ചേര്ന്ന സിപിഐഎം സംസ്ഥാന സെക്രട്ടറിയേറ്റ് യോഗത്തില് മുഖ്യമന്ത്രി പിണറായി വിജയന് അടക്കമുള്ള നേതാക്കളെല്ലാം പങ്കെടുത്തിരുന്നു.
Discussion about this post