പാലക്കാട്: പാലക്കാട് ആക്രമണത്തിനിടെ രണ്ട് യുവാക്കള്‍ക്ക് വെട്ടേറ്റു. രണ്ട് സംഘങ്ങള്‍ തമ്മിലുണ്ടായ സംഘര്‍ഷത്തിനിടെയാണ് രണ്ട് പേര്‍ക്ക് വെട്ടേറ്റത്. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. പാലക്കാട് പുതുശേരിയിലാണ് സംഭവം.
ആക്രമണത്തിനിടെ കല്ലേപ്പുള്ളി, ആലമ്പളം സ്വദേശികളായ വിഷ്ണു, റാഫിഖ് എന്നിവര്‍ക്കാണ് വെട്ടേറ്റത്. കൂട്ടുപാത മേല്‍പാലത്തിന് സമീപം രണ്ട് സംഘങ്ങള്‍ തമ്മിലുണ്ടായ ആക്രമണത്തിനിടെയാണ് സംഭവം. പരിക്കേറ്റ ഇരുവരും ആശുപത്രിയില്‍ ചികിത്സയിലാണ്. അതേസമയം മുന്‍വൈരാഗ്യമാണ് ആക്രമണത്തിന് പിന്നിലെന്നാണ് പോലീസ് പറഞ്ഞത്. സംഭവത്തില്‍ പോലീസ് വിശദമായ അന്വേണം ആരംഭിച്ചു.
Discussion about this post