തിരുവനന്തപുരം: സംസ്ഥാനത്ത് മില്മ പാലിന്റെ വില കൂട്ടി. ലിറ്ററിന് നാലു രൂപയാണ് വര്ധിപ്പിച്ചിരിക്കുന്നത്. സെപ്തംബര് 21-ാം തീയതി മുതല് പുതിയ വില നിലവില് വരും. ക്ഷീരവികസനവകുപ്പ് മന്ത്രിയുടെ അധ്യക്ഷതയില് ചേര്ന്ന യോഗത്തിലാണ് തീരുമാനം
പാലിന്റെ വില വര്ധന അനിവാര്യമാണെന്ന് മില്മ ഫെഡറേഷന് സംസ്ഥാന സര്ക്കാരിനെ അറിയിച്ചിരുന്നു. ഏഴ് രൂപ കൂട്ടണമെന്നായിരുന്നു മില്മയുടെ ആവശ്യം. ഇളം നീല കവര് പാല് ലിറ്ററിന് 40 രൂപ ഉള്ളത് 44 ആകും. കടും നീല കവര് പാല് ലിറ്ററിന് 41 രൂപ ഉള്ളത് 45 ആകും. പുതുക്കിയ വിലയുടെ 83.75% കര്ഷകന് നല്കും.
2017 ഫെബ്രുവരിയിലാണ് അവസാനമായി മില്മ പാലിന് വില കൂട്ടിയത്. അന്ന് കൂടിയ നാലുരൂപയില് 3.35 രൂപയും കര്ഷകനാണ് ലഭിച്ചത്. ഇത്തവണയും വര്ധന കര്ഷകര്ക്കാണ് ഗുണം ചെയ്യുകയെന്നും മില്മ ബോര്ഡ് പറഞ്ഞു.
Discussion about this post