തിരുവനന്തപുരം: മിൽമ പാൽ വില 10 രൂപ വർധിപ്പിക്കണമെന്ന് ആവശ്യം. ഇത് സംബന്ധിച്ച ശുപാര്‍ശ സമര്‍പ്പിക്കുന്നതിന് തിരുവനന്തപുരം മേഖല യൂണിയന്‍ ഇന്ന് യോഗം ചേരും.
എറണാകുളം മേഖല യൂണിയന്‍ മാത്രമാണ് നിലവില്‍ മില്‍മ ചെയര്മാന് ശുപാര്‍ശ നല്‍കിയത്. പാലിൻ്റെ വില കൂട്ടേണ്ടി വരുമെന്ന് നേരത്തെ മില്‍മ ചെയര്മാന് കെ എസ് മണി സൂചിപ്പിച്ചിരുന്നു.
വിവിധ മേഖലാ യൂണിയനുകളുടെ അഭിപ്രായം കൂടി ചര്‍ച്ച ചെയ്ത് സര്‍ക്കാരിലേക്ക് ശുപാര്‍ശ നല്‍കുമെന്നും വില കൂട്ടിയാലുള്ള ഉപഭോക്താക്കളുടെ ബുദ്ധിമുട്ട് കൂടി മനസിലാക്കിയുള്ള തീരുമാനമുണ്ടാവുമെന്നും മണി പറഞ്ഞു.
വിഷയത്തിൽ മൂന്നു മേഖലകളുടേയും നിര്‍ദേശം പരിഗണിച്ചശേഷം 30 ന് ചേരുന്ന മില്‍മ ഡയറക്ടര്‍ ബോര്‍ഡ് യോഗം പാല്‍വില വര്‍ധന സംബന്ധിച്ച് തീരുമാനമെടുക്കും.
Discussion about this post