ലഖ്നൗ: അച്ഛന്റെ ബാര്ബര് ഷോപ്പില് പുരുഷന്മാരുടെ വേഷം ധരിച്ച് ജോലി ചെയ്തിരുന്ന ഉത്തര്പ്രദേശിലെ ബന്വാരിടോലയിലെ സഹോദരിമാരായ ജ്യോതിയുടെയും നേഹയുടെയും വാര്ത്ത നേരത്തേ വന്നിരുന്നു. ഇപ്പോഴിതാ ഇരുവര്ക്കും പിന്തുണയുമായി എത്തിയിരിക്കുകയാണ് ക്രിക്കറ്റ് ഇതിഹാസം സച്ചിന് ടെന്ഡുല്ക്കര്.
ഇവരുടെ ബാര്ബര് ഷോപ്പിലെത്തി ഷേവ് ചെയ്താണ് സച്ചിന് ഇവര്ക്കുള്ള പിന്തുണ അറിയിച്ചത്. ട്വിറ്ററില് സച്ചിന് ഈ ചിത്രം പങ്കുവെക്കുകയും ചെയ്തിരുന്നു. ‘എന്റെ ജീവിതത്തിലെ ആദ്യ അനുഭവമാണിത്. ഇതിന് മുമ്പ് മറ്റൊരാളെ കൊണ്ട് ഞാന് ഷേവ് ചെയ്യിപ്പിച്ചിട്ടില്ല. എന്നാല് ആ റെക്കോഡ് ഇന്ന് തകര്ന്നു. ഈ ബാര്ബര് ഷോപ്പ് ഗേള്സിനെ പരിചയപ്പെടാനായതുതന്നെ ഒരു ബഹുമതിയായി കാണുന്നു’വെന്ന് സച്ചിന് ട്വിറ്ററില് കുറിച്ചത്. ഇതോടൊപ്പം പെണ്കുട്ടികള്ക്ക് ജില്ലെറ്റിന്റെ സ്കോളര്ഷിപ്പും സച്ചിന് കൈമാറി.
കടയില് എത്തുന്ന പുരുഷന്മാര്ക്ക് അപരിചിതത്വം തോന്നാതിരിക്കാനായിരുന്നു ഇവര് പുരുഷന്മാരുടെ വേഷത്തില് ജോലി ചെയ്തത്. ആദ്യം നാട്ടുകാര് ഇതിനെ എതിര്ത്തിരുന്നെങ്കിലും ഇപ്പോള് ഇവരുടെ പൂര്ണ പിന്തുണയുണ്ട് ഈ പെണ്കുട്ടികള്ക്ക്.
A First for me! You may not know this, but I have never gotten a shave from someone else before. That record has been shattered today. Such an honour to meet the #BarbershopGirls and present them the @GilletteIndia Scholarship.#ShavingStereotypes#DreamsDontDiscriminate pic.twitter.com/DNmA8iRYsb
— Sachin Tendulkar (@sachin_rt) May 3, 2019
Discussion about this post