ന്യൂഡൽഹി: ബിജെപിയുടെ തെരഞെിഞടുപ്പ് വാഗ്ദാനം പോലും ആയിരുന്ന രാജ്യത്തൊട്ടാകെ ഏകീകൃത സിവിൽകോഡ് എന്ന നയം ഉടൻ നടപ്പാക്കാൻ ഒരുങ്ങി ബിജെപി. ഏക വ്യക്തി നിയമം ഉടൻ തന്നെ പാർലമെന്റിൽ അവതരിപ്പിക്കും എന്നാണ് സൂചന. പാർട്ടിയുടെ പ്രഖ്യാപിത നയമായ ഒരു രാജ്യം, ഒരു നിയമം നടപ്പാക്കുന്നതിന്റെ മുന്നോടിയായി, എല്ലാ എംപിമാരോടും രാജ്യസഭയിൽ ഹാജരാകാൻ ആവശ്യപ്പെട്ട് വിപ്പ് നൽകിയിട്ടുണ്ട്.
എംപിമാർ സർക്കാർ തീരുമാനത്തിന് ഒപ്പം നിൽക്കണമെന്നും ഹാജരാകണമെന്നും നിർദേശിച്ച് ഇന്നലെ പാർട്ടി വിപ്പ് നൽകിയിരുന്നു. ഇതോടെയാണ് ഇത് ഏകീകൃത സിവിൽകോഡ് ബില്ല് കൊണ്ടുവരുന്നതിന് മുന്നോടിയായാണ് എന്ന അഭ്യൂഹങ്ങളും ശക്തമാകുന്നത്.
ഈ ബില്ല് അവതരിപ്പിക്കാനുള്ള കൂടിയാലോചനകൾ ബിജെപി കേന്ദ്രങ്ങളിലും നടക്കുന്നതായി വാർത്തകളുണ്ട്. സാധാരണയിൽ നിന്ന് വ്യത്യസ്തമായി പാർലമെന്ററി പാർട്ടിയോഗവും ബിജെപി റദ്ദാക്കിയിട്ടുണ്ട്.
Discussion about this post