ന്യൂഡല്ഹി: ഐക്യരാഷ്ട്രസഭയില് പാകിസ്ഥാനെ രൂക്ഷമായി വിമര്ശിച്ച് ഇന്ത്യ. പെഹല്ഗാം ഭീകരാക്രമണത്തിന്റ പശ്ചാത്തലത്തിലായിരുന്നു വിമർശനം.
പാകിസ്ഥാന് ‘തെമ്മാടി രാഷ്ട്രം’ ആണെന്നും ഇന്ത്യ പറഞ്ഞു. ഭീകരര്ക്ക് സഹായം നല്കിയെന്ന പാക് പ്രതിരോധമന്ത്രിയുടെ പ്രസ്താവന ചൂണ്ടിക്കാണിച്ചാണ് ഇന്ത്യയുടെ സ്ഥിരം പ്രതിനിധിയായ യോജ്ന പട്ടേലിന്റെ വിമര്ശനം.
ഭീകരരെ സഹായിച്ചു എന്ന പാകിസ്ഥാന്റെ കുറ്റസമ്മതത്തില് അതിശയമില്ലെന്നും ഇന്ത്യ പറഞ്ഞു. സ്കൈ ന്യൂസിന് നല്കിയ അഭിമുഖത്തിലാണ് പാകിസ്ഥാന് തീവ്രവാദികള്ക്ക് പരിശീലനം നല്കുകയും ധനസഹായം നല്കുകയും ചെയ്യുന്നുണ്ടെന്ന് പാകിസ്ഥാന് പ്രതിരോധ മന്ത്രി ഖവാജ ആസിഫ് കുറ്റസമ്മതം നടത്തിയത്.
ഈ കുറ്റസമ്മതം അതിശയിപ്പിക്കുന്നതല്ലെന്നും ആഗോള ഭീകരതയ്ക്ക് ഇന്ധനം നല്കുന്ന ഒരു ‘തെമ്മാടി രാഷ്ട്ര’മാണ് പാകിസ്ഥാനെന്ന് തുറന്നുകാട്ടുന്നതാണിതെന്നും ഇന്ത്യ രൂക്ഷമായ ഭാഷയിൽ വിമർശിച്ചു.
Discussion about this post