മലപ്പുറം: മലപ്പുറം പന്തല്ലൂരില് യുവതി ഭര്തൃവീട്ടില് തൂങ്ങി മരിച്ച നിലയില്. വെള്ളില സ്വദേശി നിസാറിന്റെ ഭാര്യ തഹ്ദില (25)ആണ് മരിച്ചത്. മൃതദേഹം മഞ്ചേരി മെഡിക്കല് കോളേജ് മോര്ച്ചറിയിലേക്ക് മാറ്റി. സംഭവത്തില് അസ്വാഭാവിക മരണത്തിന് പൊലീസ് കേസെടുത്തു.
ഗാര്ഹിക പീഡനം മൂലമാണ് യുവതി ജീവനൊടുക്കിയതെന്ന് ബന്ധുക്കള് ആരോപിച്ചു. ഭര്തൃപിതാവ് ശാരീരികമായും മാനസികമായും ഉപദ്രവിച്ചിരുന്നതായും തഹ്ദിലയുടെ ബന്ധുക്കള് ആരോപിക്കുന്നു. അതേസമയം, സംഭവത്തെ കുറിച്ച് കൂടുതല് കാര്യങ്ങള് വ്യക്തമായിട്ടില്ല.
അസ്വാഭാവിക മരണത്തിന് കേസെടുത്ത പോലീസ് അന്വേഷണം തുടങ്ങി. യുവതിക്ക് രണ്ടു വയസുള്ള കുട്ടി ഉള്പ്പെടെ നാലു മക്കളാണുള്ളത്. ഭര്ത്താവ് നിസാര് വിദേശത്താണ്.
Discussion about this post