മലയാളത്തിന്റെ മെഗാ സ്റ്റാര് മമ്മൂട്ടി പഴശ്ശിരാജയ്ക്ക് ശേഷം വീണ്ടും വീരപുരുഷനായി എത്തുന്ന ചിത്രമാണ് മാമാങ്കം. കഴിഞ്ഞ ദിവസമാണ് ചിത്രത്തിന്റെ ഫസ്റ്റ്ലുക്ക് പോസ്റ്റര് താരം ഫേസ്ബുക്കിലൂടെ പുറത്തുവിട്ടത്. മികച്ച വരവേല്പ്പാണ് പ്രേക്ഷകര് ഫസ്റ്റ് ലുക്ക് പോസ്റ്ററിന് നല്കിയത്. ഇപ്പോഴിതാ ചിത്രത്തിലെ മമ്മൂട്ടിയുടെ പുതിയ ലുക്കിലുള്ള ഫോട്ടോയും പുറത്തുവിട്ടിരിക്കുകയാണ്.
മമ്മൂട്ടി തന്റെ ഫേസിബുക്കിലൂടെയാണ് ചിത്രം പുറത്ത് വിട്ടത്. ചിത്രം പുറത്ത് വിട്ട് നിമിഷങ്ങള്ക്കകം വൈറലായി കഴിഞ്ഞിരിക്കുകയാണ്. ‘മമ്മൂക്ക ആണഴകിന്റെ ഉത്തമ ഉദാഹരണം.. ലോകത്തിനു മുന്പില് മലയാളത്തിന്റെ പൗരുഷം’ എന്നൊക്കെയാണ് പ്രേക്ഷകര് ചിത്രത്തിന് നല്കിയ കമന്റുകള്.
എം പത്മകുമാര് സംവിധാനം ചെയ്യുന്ന ചിത്രത്തില് സാമൂതിരി ഭരണ കാലഘട്ടത്തിലെ ചാവേറുകളുടെയും മാമാങ്കത്തിന്റെയും കഥയാണ് പറയുന്നത്. ഉണ്ണി മുകുന്ദന്, സിദ്ദിഖ്, സുദേവ് നായര്, മണികണ്ഠന്, സുരേഷ് കൃഷ്ണ, കനിഹ, അനു സിത്താര, ഇനിയ എന്നിവരാണ് ചിത്രത്തിലെ മറ്റ് താരങ്ങള്. കാവ്യ ഫിലിം കമ്പനിയുടെ ബാനറില് പ്രവാസി വ്യവസായിയായ വേണു കുന്നപ്പള്ളിയാണ് ചിത്രം നിര്മ്മിക്കുന്നത്. ഹിന്ദി, തമിഴ്, തെലുങ്ക് ഭാഷകളിലും ചിത്രം റിലീസ് ചെയ്യുന്നുണ്ട്.
Discussion about this post