നടനും മോഡലും മുൻ ബിഗ് ബോസ് താരവുമായ ബഷീർ ബഷിയും അദ്ദേഹത്തിന്റെ രണ്ട് വിവാഹങ്ങളുമെല്ലാം സോഷ്യൽമീഡിയയിൽ വലിയ വാർത്തയായതാണ്. സോഷ്യൽമീഡിയയിൽ താരങ്ങളാണ് കുടുംബാംഗങ്ങളുമെല്ലാം.
രണ്ട് ഭാര്യമാരുമായി സന്തോഷത്തോടെയാണ് ബഷീർ ബഷിയുടെ ജീവിതം. ആദ്യ ഭാര്യ സുഹാനയ്ക്കും രണ്ട് മക്കൾക്കുമൊപ്പം തന്നെയാണ് രണ്ടാം ഭാര്യ മഷൂറയും താമസിക്കുന്നത്. മഷൂറ ബഷിയുടെ യൂട്യൂബ് ചാനലിലൂടെ ഏവരും തങ്ങളുടെ വിശേഷങ്ങളെല്ലാം ആരാധകരുമായി പങ്കുവെക്കാറുണ്ട്.
ഇപ്പോഴിതാ താൻ ഗർഭിണിയാണെന്ന സന്തോഷവാർത്ത അറിയിക്കുകയാണ് മഷൂറ. ബഷീർ ബഷിക്കൊപ്പം എത്തിയ പുതിയ പെരുന്നാൾ വ്ളോഗിലാണ് താരം ഇക്കാര്യം വെളിപ്പെടുത്തിയിരിക്കുന്നത്.
വ്ളോഗിന്റെ തുടക്കത്തിൽ താൻ ഗർഭിണിയാണോ എന്ന് സംശയം ഉന്നയിച്ച് സംസാരിക്കുന്ന മഷൂറ അതിനായി പ്രെഗ്നനൻസി ടെസ്റ്റ് കിറ്റ് ഉപയോഗിച്ച് പരിശോധന നടത്തുന്നതിന്റെയും ദൃശ്യങ്ങൾ പങ്കിടുന്നുണ്ട്. ടെസ്റ്റ് കിറ്റിൽ ഡബിൾ ലൈൻ തെളിഞ്ഞതോടെ ഇരുവരും സന്തോഷം കൊണ്ട് തുള്ളിച്ചാടുകയാണ്.
ഈ സന്തോഷവാർത്ത അറിയുന്നതിന് വേണ്ടിയാണ് ഇത്രനാൾ കാത്തിരുന്നതെന്നും പെരുന്നാൾ ദിനത്തിൽ തന്നെ ഇക്കാര്യം അറിയാൻ സാധിച്ചത് ദൈവത്തിന്റെ അനുഗ്രഹമായി കാണുന്നുവെന്നും ഇരുവരും പറയുന്നു. മാത്രമല്ല, മുൻപൊരിക്കൽ ഇതുപോലൊരു വീഡിയോ ഗർഭിണിയാണെന്ന സംശയത്തെ തുടർന്ന് ചെയ്തിരുന്നു. പക്ഷെ, അന്ന് അത് നടന്നില്ല. സർപ്രൈസായി ഇക്കാര്യം സുഹാനയേയും അറിയിക്കുന്നുണ്ട്. ാർത്ത അറിയുന്ന സുഹാനയും ഏറെ സന്തോഷിക്കുകയാണ്. താൻ വീണ്ടും ഒരമ്മയായ പോലെ തോന്നുകയാണെന്നായിരുന്നു സുഹാന പറഞ്ഞത്.
മക്കളും തങ്ങളുടെ പ്രിയപ്പെട്ട മഷൂറമമ്മി ഗർഭിണിയാണെന്നറിഞ്ഞപ്പോൾ സന്തോഷിക്കുകയാണ്. മഷൂറമമ്മിക്ക് ഇരട്ടക്കുട്ടികൾ വേണമെന്നാണ് ഇളയ മകൻ സൈഗു പറയുന്നത്.
Discussion about this post