സുരാജ് വെഞ്ഞാറമൂടിന്റെ നായികയായി മലയാളത്തിന്റെ ലേഡീ സൂപ്പര്സ്റ്റാര് മഞ്ജു വാര്യര് എത്തുന്നു. എം മുകുന്ദന് രചിച്ച ‘ഓട്ടോറിക്ഷക്കാരന്റെ ഭാര്യ’ എന്ന പ്രശസ്ത ചെറുകഥയെ ആസ്പദമാക്കി ഹരിഹരന് സംവിധാനം ചെയ്യുന്ന ചിത്രത്തിലൂടെയാണ് ഇരുവരും ആദ്യമായി വെള്ളിത്തിരയില് ഒന്നിക്കുന്നത്.
അലസനും മടിയനുമായ സജീവന് എന്ന ഓട്ടോതൊഴിലാളിയാണ് ഈ കഥയിലെ നായകന്. ജോലി ചെയ്യാതെ കടം വാങ്ങി ജീവിക്കുന്ന സജീവന്റെ ജീവിതത്തിലേക്ക് രാധിക ഭാര്യയായി എത്തുന്നതോടെ സംഭവിക്കുന്ന മാറ്റങ്ങളാണ് ചെറുകഥയുടെ ഇതിവൃത്തം. സജീവനില് നിന്നും രാധിക ഓട്ടോ ഏറ്റെടുത്ത് ഓടിക്കാന് തുടങ്ങുന്നിടത്താണ് ചെറുകഥ അവസാനിക്കുന്നത്.
അതേസമയം ചിത്രത്തിനായി ചെറുകഥയില് മാറ്റം വരുത്താനാണ് സാധ്യത. മുകുന്ദന് തന്നെയാണ് ചിത്രത്തിന് തിരക്കഥ ഒരുക്കുന്നത്. ‘ക്ലിന്റ്’ എന്ന ചിത്രത്തിന് ശേഷം ഹരിഹരന് സംവിധാനം ചെയ്യുന്ന ചിത്രം കൂടിയാണിത്.
Discussion about this post