തിരുവനന്തപുരം: ഒമ്പതാം ക്ലാസുകാരിയെ പീഡിപ്പിച്ച അമ്മാവന് അറസ്റ്റില്. കുട്ടിയെ പീഡിപ്പിച്ച് ഗര്ഭിണിയാക്കിയ കേസിലാണ് കുട്ടിയുടെ അമ്മാവനായ 42കാരനെ അയിരൂര് പൊലീസ് അറസ്റ്റ് ചെയ്തത്. വര്ക്കലയ്ക്ക് സമീപമാണ് സംഭവം.
വയറുവേദനയെ തുടര്ന്ന് ഇന്നലെ കുട്ടിയെ ആശുപത്രിയില് പ്രവേശിപ്പിച്ചപ്പോഴാണ് ഗര്ഭിണിയാണെന്ന വിവരം പുറത്തറിഞ്ഞത്. തുടര്ന്ന് ആശുപത്രി അധികൃതര് അയിരൂര് പൊലീസില് വിവരം അറിയിക്കുകയായിരുന്നു. കുട്ടി സ്കൂളില് നിന്നും തിരികെ വീട്ടിലെത്തുന്ന സമയം വീട്ടില് ആരും ഉണ്ടാകാറില്ലായിരുന്നു. ഈ സമയത്താണ് 42കാരനായ പ്രതി കുട്ടിയെ നിരന്തരം പീഡനത്തിന് ഇരയാക്കിയിരുന്നത്. ഇന്നലെ കുട്ടിയില് നിന്ന് മൊഴിയെടുത്ത പൊലീസ് പ്രതിയെ കസ്റ്റഡിയിലെടുത്തു.
പ്രതി ഭാര്യയുമായി പിണങ്ങി സഹോദരിയോടൊപ്പമാണ് അഞ്ച് മാസമായി താമസിക്കുന്നത്. പീഡന വിവരം പുറത്തു പറഞ്ഞാല് കൊന്നുകളയുമെന്നും പ്രതി ഭീഷണിപ്പെടുത്തിയതായി കുട്ടി പൊലീസിനോട് പറഞ്ഞു.
Discussion about this post