ഇടുക്കി:വിദ്യാര്ഥികള്ക്ക് നേരെ പാഞ്ഞടുത്ത് കാട്ടാന. തലനാരിഴയ്ക്കാണ് ആക്രമണത്തിൽ നിന്നും രക്ഷപ്പെട്ടത്. ഇടുക്കി ജില്ലയിലെ പീരുമേടിലാണ് നടുക്കുന്ന സംഭവം.
മരിയഗിരി സ്കൂളിലെ വിദ്യാര്ഥികള്ക്ക് നേരെയാണ് കാട്ടാന പാഞ്ഞടുത്തത്. ഇന്നലെ വൈകിട്ട് നാലരയോടെ കുട്ടികൾ സ്കൂൾ വിട്ട് വരുമ്പോഴായിരുന്നു സംഭവം.
വിദ്യാര്ഥികള് ബസ് കാത്തുനിൽക്കുന്നതിനിടെ റോഡ് മുറിച്ച് കടന്നെത്തിയ ആന ആക്രമിക്കാൻ പാഞ്ഞടുക്കുകയായിരുന്നു. ആനയെ കണ്ട കുട്ടികള് സ്കൂള് വളപ്പിലേക്ക് ഓടിക്കയറുകയായിരുന്നു.
നാട്ടുകാരും വിദ്യാര്ഥികളും ബഹളം വച്ചതോടെ കാട്ടാന യൂക്കാലി തോട്ടത്തിലേക്ക് ഓടിപ്പോയി. സംഭവത്തിന്റെ ദൃശ്യങ്ങള് സോഷ്യല് മീഡിയയില് വൈറലാണ്.
Discussion about this post