പാലക്കാട്: ഓടിത്തുടങ്ങിയ ട്രെയിനിൽ കയറാൻ ശ്രമിക്കുന്നതിനിടെ കാൽവഴുതി വീണ് മുപ്പതിരണ്ടുകാരന് ദാരുണാന്ത്യം. വരോട് വീട്ടാമ്പാറ ചെമ്പുള്ളി വീട്ടില് സന്ദീപ് കൃഷ്ണനാണ് മരിച്ചത്.
ചൊവ്വാഴ്ച രാത്രി ഒമ്പതുമണിയോടെ ചെന്നൈയ്ക്കടുത്ത് കാട്പാടി റെയില്വേ സ്റ്റേഷനിലാണ് സംഭവം.നാട്ടിൽ ഓണം ആഘോഷിച്ച് ജോലി സ്ഥലത്തേക്ക് മടങ്ങുന്നതിനിടെയാണ് അപകടമുണ്ടായത്.
ചായ വാങ്ങാനായി കാട്പാടി റെയില്വേ സ്റ്റേഷനില് ഇറങ്ങിയതായിരുന്നു സന്ദീപ്. ചായയുമായി തിരികെ ട്രെയിനിലേക്ക് കയറവെ ട്രെയിനിന് അടിയിലേക്ക് വീഴുകയായിരുന്നു.
ഭുവനേശ്വറിലെ സ്വകാര്യകമ്പനിയില് ജീവനക്കാരനാണ് സന്ദീപ്.
Discussion about this post