ടെലിവിഷൻ റിയാലിറ്റി ഷോകളിലെ താരമായെത്തിയ നിരവധി വിവാദങ്ങൾ തിരിയിട്ട നടി രാഖി സാവന്ത് ആശുപത്രിയിൽ. ഹൃദയസംബന്ധമായ അസുഖത്തെ തുടർന്നാണ് നടിയെ ആശുപത്രിയിൽ പ്രവേശിപ്പിച്ചതെന്നാണ് റിപ്പോർട്ട്.
താരത്തിന്റെ ആശുപത്രിയിൽ നിന്നുള്ള ചിത്രങ്ങൾ സോഷ്യൽ മീഡിയയിൽ വൈറലാണ്. ആരോഗ്യസ്ഥിതി മോശമായതിനെ തുടർന്ന് ചൊവ്വാഴ്ച രാത്രിയാണ് നടിയെ ആശുപത്രിയിൽ പ്രവേശിപ്പിച്ചത്. രാഖിക്ക് ആറ് ദിവസത്തെ വിശ്രമം ഡോക്ടർമാർ നിർദേശിച്ചിട്ടുണ്ടെന്ന് ടൈംസ് നൗ റിപ്പോർട്ട് ചെയ്യുന്നു.
അതേസമയം, രാഖിയുടെ അസുഖം എന്താണ് എന്ന് സംബന്ധിച്ച് കൃത്യമായ വിവരം ലഭ്യമല്ല. ഇതിന് മുൻപ് ഒരു സർജറിക്കായി രാഖിയെ ആശുപത്രിയിൽ പ്രവേശിപ്പിച്ചിരുന്നു.
ALSO READ- നടൻ മാത്യു തോമസിന്റെ സഹോദരൻ ഓടിച്ച ജീപ്പ് മറിഞ്ഞ് അപകടം; ബന്ധുവിന് ദാരുണമരണം
നിരവധി വിവാദ പ്രസ്താവനകളിലൂടെയാണ് രാഖി സാവന്ത് വാർത്തകളിൽ ഇടംപിടിച്ചിരുന്നത്. നടിയുടെ സ്വകാര്യ ജീവിതവും വിവാഹവും വിവാഹമോചനവുമെല്ലാം സോഷ്യൽ മീഡിയയിൽ വലിയ ചർച്ചയായിരുന്നു.
Discussion about this post