കൊച്ചി : കൊച്ചിയില്‍ 1500 കോടി രൂപ വിലവരുന്ന 220 കിലോഗ്രാം ഹെറോയിന്‍ പിടികൂടി. തമിഴ്‌നാട്ടില്‍ നിന്നുള്ള രണ്ട് മത്സ്യബന്ധന ബോട്ടുകളിലായിരുന്നു ലഹരിമരുന്ന്. പുറങ്കടലിലൂടെ നീങ്ങുന്നതിനിടെ അഗത്തി തീരത്ത് നിന്നാണ് കസ്റ്റഡിയിലെടുത്തത്‌.
ഡറക്ടറേറ്റ് ഓഫ് റവന്യൂ ഇന്റലിജന്‍സ്(ഡിആര്‍ഐ), കോസ്റ്റ്ഗാര്‍ഡ് എന്നിവരുടെ സഹായത്തോടെയാണ് ബോട്ടുകള്‍ പിടികൂടിയത്. ഡിആര്‍ഐയ്ക്ക് ലഭിച്ച രഹസ്യ വിവരത്തെത്തുടര്‍ന്നായിരുന്നു നീക്കം. ബോട്ടിലുണ്ടായിരുന്ന മലയാളികളും തമിഴ്‌നാട് സ്വദേശികളുമടക്കം 20 പേരെ കസ്റ്റഡിയിലെടുത്തിട്ടുണ്ട്.
Also reac : ആദ്യ ഭാര്യയിലുള്ള മകനെ രണ്ടാം ഭാര്യ വിവാഹം ചെയ്ത് പണവുമായി കടന്നു : പരാതിയുമായി ഭര്‍ത്താവ്
അഫ്ഗാനിസ്ഥാനില്‍ നിന്നെത്തിയ കപ്പലില്‍ നിന്നാണ് ബോട്ടുകളില്‍ മയക്കുമരുന്ന് ഇറക്കിയതെന്നാണ് സൂചനകള്‍. തമിഴ്‌നാട്ടിലേക്ക് മയക്കുമരുന്ന് കടത്താനായിരുന്നു ശ്രമം. ബോട്ടിലുണ്ടായിരുന്നവരെ കൊച്ചിയിലെത്തിച്ച് ചോദ്യം ചെയ്ത് വരികയാണ്.
Discussion about this post