ചെന്നൈ: തമിഴ് സൂപ്പര് താരം രജനീകാന്ത് ആശുപത്രിയില്. ചെന്നൈ കാവേരി ആശുപത്രിയിലാണ് അദ്ദേഹത്തെ പ്രവേശിപ്പിച്ചത്. പതിവ് പരിശോധനയ്ക്കായാണ് രജനീകാന്ത് ആശുപത്രിയിലെത്തിയതെന്ന് താരവുമായി ബന്ധപ്പെട്ടവര് അറിയിച്ചു.
വ്യാഴാഴ്ച വൈകിട്ട് 4.30ഓടെയാണ് രജനീകാന്ത് ആശുപത്രിയിലെത്തിയത്.
അദ്ദേഹത്തിന്റെ ആരോഗ്യനിലയില് ആശങ്കപ്പെടാനില്ലെന്ന് ആശുപത്രി വൃത്തങ്ങള് അറിയിച്ചു.
കഴിഞ്ഞ ദിവസം, ഇന്ത്യന് സിനിമയിലെ പരോമന്നത ബഹുമതിയായ ദാദാ സാഹേബ് ഫാല്ക്കെ പുരസ്കാരം ഉപരാഷ്ട്രപതി എം.വെങ്കയ്യ നായിഡുവില് നിന്ന് അദ്ദേഹം ഏറ്റുവാങ്ങിയിരുന്നു.
70കാരനായ താരത്തെ കഴിഞ്ഞ ഡിസംബറില് ഹൈദരാബാദിലെ അപ്പോളോ ആശുപത്രിയില് പ്രവേശിപ്പിച്ചിരുന്നു. ശ്വാസംമുട്ടലിനെയും രക്തസമ്മര്ദ്ദത്തിലെ വ്യതിയാനത്തെയും തുടര്ന്നായിരുന്നു അന്ന് ആശുപത്രിയില് പ്രവേശിപ്പിച്ചത്.
Discussion about this post