ബോളിവുഡിന് ഏറെ പ്രിയപ്പെട്ട താര ജോഡികളാണ് ഷാരൂഖ് ഖാനും ദീപികാ പദുക്കോണും. താനുമായി ആത്മബന്ധം സൂക്ഷിക്കുന്ന വ്യക്തികളില്‍ ഒരാളാണ് ദീപികയെന്നു കിങ്ഖാന്‍ പലയിടത്തും വ്യക്തമാക്കിയിട്ടുണ്ട്. ഓം ശാന്തി ഓം, ചെന്നൈ എക്‌സ്പ്രസ്, ഹാപ്പി ന്യൂയര്‍ എന്നീ ചിത്രങ്ങളിലാണ് ഇരുവരും ഒന്നിച്ച് അഭിനയിച്ചിട്ടുള്ളത്.
അടുപ്പമുണ്ടായിരുന്ന നടിമാരെല്ലാം വിവാഹിതരായപ്പോള്‍ വികാരഭരിതനായിട്ടുണ്ടെന്ന് ഷാരൂഖ് മനസ്സുതുറക്കുന്നു.”ഞാന്‍ സിനിമാരംഗത്തേക്ക് കടന്നുവന്നപ്പോള്‍ ശ്രീദേവിയുടെയും മാധുരിയുടെയുമൊക്കെ കൂടെയാണ് അഭിനയിച്ചു തുടങ്ങിയത്. അവര്‍ വിവാഹിതരായി. ഇവരൊക്കെ എനിക്കു നല്‍കിയ പിന്തുണയും സ്‌നേഹവുമൊക്കെയാണ് എന്നെ വളര്‍ത്തിയത്.
ഇപ്പോള്‍ വിവാഹിതരാകുന്നത് മൂന്നാം തലമുറയാണ്. ഇവരൊക്കെ വിവാഹം ചെയ്യുമ്പോള്‍ ഞാന്‍ ശരിക്കും വികാരഭരിതനാകും. വിവാഹസമയത്ത് ഞാന്‍ ദീപികയെ വിളിച്ചു, ഒന്നു കെട്ടിപ്പിടിക്കണമെന്നു പറഞ്ഞു. ദീപികയ്ക്കും രണ്‍വീറിനും എന്റെ സ്‌നേഹം”, ഒരു ടെലിവിഷന്‍ ചാനലിനു നല്‍കിയ അഭിമുഖത്തില്‍ ഷാരൂഖ് പറഞ്ഞു.
ദീപിക പദുക്കോണുമായി പ്രത്യേക അടുപ്പം ഉണ്ടെന്നും ഷാരൂക് പറയുന്നു. ഇളയ മകന്‍ അബ്രാമിനു വേണ്ടി ഒരുപാട് വസ്ത്രങ്ങള്‍ ദീപിക വാങ്ങിക്കൊടുത്തിട്ടുണ്ട്. അവനെ ലാളിക്കാന്‍ എപ്പോഴും ദീപികക്ക് ഇഷ്ടമാണെന്നും ഷാരൂഖ് പറയുന്നു.
[Video] SRK mentions how Deepika Padukone gifted hand-picked clothes when Abram was born when asked about lovable gestures by costars
pic.twitter.com/G0hP2yCXdd
— Deepika Padukone FC (@DeepikaPFC) 15 December 2018
Discussion about this post