പഴശ്ശിരാജയ്ക്ക് ശേഷം മമ്മൂട്ടി ചരിത്ര പുരുഷന്റെ വേഷത്തിലെത്തുന്ന ചിത്രമാണ് ‘മാമാങ്കം’. ചിത്രത്തിന് ആശംസകളുമായി രംഗത്ത് എത്തിയിരിക്കുകയാണ് താരരാജാവ് മോഹന്ലാല്. ‘പറഞ്ഞും പറയാതെയും നിറം മങ്ങിപ്പോയ പഴമയിലേക്ക് വെളിച്ചം വീശുന്ന ഒരു ദേശത്തിന്റെ
വീരചരിത്രകഥകള് ഡിസംബര് പന്ത്രണ്ടിന് വെള്ളിത്തിരയില് എത്തുകയാണ്. മാമാങ്കം മലയാളത്തിന്റെ ഉത്സവമായിത്തീരാന് എല്ലാവിധ ആശംസകളും നേരുന്നു’ എന്നാണ് മോഹന്ലാല് ഫേസ്ബുക്കില് കുറിച്ചത്.
എം പത്മകുമാര് ആണ് ചിത്രത്തിന്റെ സംവിധായകന്. അമ്പത് കോടി ബജറ്റിലാണ് ചിത്രം ഒരുക്കിയിരിക്കുന്നത് എന്നാണ് റിപ്പോര്ട്ട്. കണ്ണൂര്, ഒറ്റപ്പാലം, എറണാകുളം, വാഗമണ് എന്നിവിടങ്ങളിലായിരുന്നു ചിത്രത്തിന്റെ ചിത്രീകരണം. മലയാളത്തിന് പുറമെ തമിഴ്, തെലുങ്ക്, ഹിന്ദി ഭാഷകളിലും ചിത്രം റിലീസ് ചെയ്യുന്നുണ്ട്.
ഉണ്ണി മുകുന്ദന്, കനിഹ, അനു സിത്താര, സുരേഷ് കൃഷ്ണ, സിദ്ദീഖ്, തരുണ് അറോറ, സുദേവ് നായര്, പ്രാചി തഹ്ലാന്, കവിയൂര് പൊന്നമ്മ, മണിക്കുട്ടന്, ഇനിയ, മണികണ്ഠന് ആചാരി തുടങ്ങിയവരാണ് ചിത്രത്തിലെ മറ്റ് താരങ്ങള്. കാവ്യാ ഫിലിം കമ്പനിയുടെ ബാനറില് പ്രവാസി വ്യവസായിയായ വേണു കുന്നപ്പള്ളി നിര്മ്മിച്ച ചിത്രം ഡിസംബര് പന്ത്രണ്ടിന് തീയ്യേറ്ററുകളിലെത്തും.
Discussion about this post