ന്യൂഡല്ഹി: വിവാദ റഫേല് ഇടപാട് വിടാന് ഉദ്ദേശമില്ലാതെ കോണ്ഗ്രസ് അധ്യക്ഷന് രാഹുല് ഗാന്ധി. ഔദ്യോഗിക രഹസ്യനിയമം ലംഘിച്ച് മോഡി റഫേലിന്റെ വിവരങ്ങള് അനില് അംബാനിക്ക് വിവരങ്ങള് ചോര്ത്തി നല്കിയെന്നാണ് ആരോപണം. ഇത് തെളിയിക്കാന് എയര് ബസ് ഉദ്യോഗസ്ഥന്റെ ഇമെയില് സന്ദേശവും രാഹുല് ഗാന്ധി പുറത്തുവിട്ടു.
പുതിയ ട്വിസ്റ്റാണിപ്പോള് പുറത്തു വന്നിരിക്കുന്നത്. മോഡി റഫേല് ഇടപാടുള്പ്പടെയുള്ള കാര്യങ്ങള് ചര്ച്ച ചെയ്യാനായി ഫ്രാന്സ് പര്യടനത്തിന് പോയതിന് പത്ത് ദിവസം മുമ്പ് അനില് അംബാനി ഫ്രഞ്ച് പ്രതിരോധമന്ത്രിയുടെ ഓഫിസിലെത്തുകയും ഉന്നത ഉദ്യോഗസ്ഥരുമായി ചര്ച്ച ചെയ്യുകയും ചെയ്തിരുന്നു എന്നതിന് ‘ദ് ഇന്ത്യന് എക്സ്പ്രസ്’ ദിനപത്രം തെളിവ് പുറത്തു വിട്ടിരുന്നു. ഇതിന് പിന്നാലെയാണ് രാഹുല് ഈ സന്ദര്ശനം സ്ഥിരീകരിച്ച് എയര് ബസ് ഉദ്യോഗസ്ഥന്റെ ഇ മെയില് സന്ദേശം പുറത്തുവിടുന്നത്.
Discussion about this post