74 കാരനായ തന്റെ കാമുകനെ വിവാഹം ചെയ്ത് പ്രണയസാഫല്യത്തിലെത്തി 100 വയസ്സുകാരി മുത്തശ്ശി ലോകത്തിന് തന്ന െമാതൃകയായിരിക്കുന്നു. പ്രണയത്തിന് പ്രായമില്ല എന്നാണ് മുത്തശ്ശിയുടെ വിശദീകരണം. മാല്കം യീറ്റ്സിനെയാണ് നോറ മുത്തശ്ശി വിവാഹം ചെയ്തത്. വെയ്ല്സിലെ ഡെന്ബിഗ്ഷെയറില് നിന്നാണ് ഈ വിവാഹവിശേഷം. മുപ്പതുവര്ഷം ഒന്നിച്ച് ജീവിച്ചശേഷമായിരുന്നു നോറ മുത്തശ്ശിയും മാല്കവും വിവാഹിതരായത്. നേരത്തെ രണ്ടു തവണ വിവാഹിതയായെങ്കിലും അധികകാലം അത് നീണ്ടുനിന്നില്ല.
ഇനി ഈ മധുര കമിതാക്കളുടെ പ്രണയകാവ്യം പറയാം…
1980 കളിലാണ് ബസ് ഡ്രൈവറായിരുന്ന മാല്കത്തിനെ നോറ പരിചയപ്പെടുന്നത്.ഒരു സ്കൂളിലെ പാചകകാരിയായിരുന്നു നോറ മുത്തശ്ശി. പിന്നീടങ്ങോട്ട് 30 വര്ഷം ഇരുവരും പരസ്പരം സ്നേഹിച്ചും സഹായിച്ചും ഒരുമിച്ച് ജീവിച്ചു. ഈ വര്ഷം ആരംഭത്തിലാണ് മാല്കം നമുക്ക് വിവാഹിതരായി കൂടെ എന്ന് ചോദിച്ചത്. നൂറാം വയസ്സിലും നോറ മുത്തശ്ശിയുടെ സമ്മതം കൂടി കിട്ടിയതോടെ മക്കളെയും കൊച്ചുമക്കളെയും സാക്ഷിയാക്കി വീട്ടില്വച്ച് ഇരുവരും വിവാഹിതരായി.
വളരെ സന്തോഷകരമായ നിമിഷമാണെന്നും താനൊരു ഇരുപതുകാരനാണെന്നു തോന്നുന്നതായും മാല്കം പ്രതികരിച്ചു. ഇതില് കൂടുതലായി മാല്കത്തിന് ഒന്നും തരാനാകില്ലെന്നും അദ്ദേഹമില്ലാതെ തനിക്ക് ഒന്നും ചെയ്യാനാവില്ലെന്നായിരുന്നു നോറ മുത്തശ്ശി പറഞ്ഞത്.
Discussion about this post