മുംബൈ: ഈ സീസണിലെ ഇന്ത്യന് സൂപ്പര് ലീഗ് രണ്ടോ, മൂന്നോ വേദികളിലായി ഹോം ആന്ഡ് എവേ മത്സരങ്ങളായി നടത്താന് തീരുമാനം. അഖിലേന്ത്യാ ഫുട്ബോള് ഫെഡറേഷനും ക്ലബുകളുമായി നടത്തിയ ചര്ച്ചയിലാണ് തീരുമാനത്തില് എത്തിയത്.
മത്സരങ്ങള് ഫെബ്രുവരി അഞ്ചിന് തുടങ്ങിയേക്കും. എ ഐ എഫ് എഫും ഫുട്ബോള് സ്പോര്ട്സും തമ്മിലുള്ള സംപ്രേഷണ അവകാശ കരാര് അവസാനിച്ചതോടെയാണ് സെപ്റ്റംബറില് തുടങ്ങേണ്ട ഐ എസ് എല് അനിശ്ചിതത്വത്തില്ആയത്.
ടെണ്ടര് വിളിച്ചെങ്കിലും പുതിയ സ്പോണ്സറെ കിട്ടാത്തതിനാല് അഖിലേന്ത്യാ ഫുട്ബോള് ഫെഡറേഷനും ക്ലബുകളും ചേര്ന്നാണ് ഈ സീസണില് ലീഗ് നടത്തുക.
ലീഗിനെ സംബന്ധിച്ച അനിശ്ചിതത്വം അവസാനിപ്പിക്കണമെന്ന് ആവശ്യപ്പെട്ട് ബ്ലാസ്റ്റേഴ്സ് ഉള്പ്പെടെ 13 ക്ലബ്ബുകളും അഖിലേന്ത്യാ ഫുട്ബോള് ഫെഡറേഷന് വീണ്ടും കത്ത് നല്കിയെങ്കിലും ഫെഡറേഷന്റെ ഭാഗത്തു നിന്ന് അനുകൂല മറുപടിയല്ല ലഭിച്ചത്.
Discussion about this post