തൃശൂര്: തൃശൂരിൽ ആളുമാറി കസ്റ്റഡിയിലെടുത്ത യുവാവിന് സ്റ്റേഷന് മര്ദനം. യുവാവിന്റെ ശരീരം നിറയെ ലാത്തിഅടികൊണ്ടുണ്ടായ പാടുകളാണ്.കുറ്റൂര് ചാമക്കാട് പുതുകുളങ്ങരയില് പി.എസ്.ശരത്തിന് (31)
ആണ് മർദ്ദനമേറ്റത്.
വിയ്യൂര് പൊലീസാണ് ആളുമാറി ശരത്തിനെ കസ്റ്റഡിയിലെടുത്തത്. നെയ്തലക്കാവ് ക്ഷേത്രത്തിലെ ഉത്സവത്തിനിടയിലെ അടിപിടിയുടെ പേരില് ശരത് എന്ന് പേരുള്ളയാളെ പൊലീസ് തിരയുന്നുണ്ടായിരുന്നു.
കാപ്പാ കേസിലടക്കം പ്രതിയായ പി.എസ്. ശരത്ത് ആണ് ഈ അടിപിടിക്കേസിലും പ്രതിയെന്നു തെറ്റിദ്ധരിച്ചാണു മര്ദനം നടന്നതെന്നു പറയുന്നു. ശരത്തിന്റെ സഹോദരന് രാജീവിന്റെ വീട്ടിലെത്തിയാണു മര്ദിച്ചതെന്നുകാട്ടി ബന്ധുക്കള് കമ്മീഷണര്ക്ക് അടക്കം പരാതി നല്കി.
ശരത്തിന്റെ സഹോദരന്റെ ഭാര്യ വിയ്യൂര് പൊലീസില് പരാതി നല്കാന് എത്തിയെങ്കിലും എസ്എച്ച്ഒ സ്ഥലത്തില്ലെന്നു പറഞ്ഞു പരാതി സ്വീകരിച്ചില്ലെന്നും ബന്ധുക്കള് ആരോപിച്ചു.
Discussion about this post