കോഴിക്കോട്: വരാനിരിക്കുന്ന ലോക്സഭാ തെരഞ്ഞെടുപ്പില് മത്സരിക്കാനില്ലെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രന്. വടകരയില് പുതിയ സ്ഥാനാര്ത്ഥിയായിരിക്കും യുഡിഎഫിനുണ്ടാകുകയെന്നും അദ്ദേഹം പറഞ്ഞു.
മുന്മുഖ്യമന്ത്രിയും എംഎല്എയുമായ ഉമ്മന്ചാണ്ടി മത്സരിക്കണമെന്നാണ് തന്റെ വ്യക്തിപരമായ അഭിപ്രായമെന്നും, കേരളത്തിലെ ഇരുപത് സീറ്റിലും മത്സരിപ്പിക്കാന് പറ്റിയ ആളാണ് ഉമ്മന്ചാണ്ടി. എല്ലാവര്ക്കും അദ്ദേഹത്തെ ഇഷ്ടമാണ്. ദേശീയ രാഷ്ട്രീയത്തില് വലിയ സാധ്യതകളാണ് ഇപ്പോള് അദ്ദേഹത്തിനുള്ളത് അദ്ദേഹം കൂട്ടിച്ചേര്ത്തു.
ലോക്സഭാ തെരഞ്ഞെടുപ്പില് സംസ്ഥാനത്ത് ഇരുപതില് ഇരുപത് സീറ്റും യുഡിഎഫ് നേടും. ശബരിമല പ്രശ്നവും കേന്ദ്ര-സംസ്ഥാന സര്ക്കാറുകള്ക്കെതിരായ ജനവികാരവും കോണ്ഗ്രസിനും യുഡിഎഫിനും നേട്ടമായി മാറുമെന്ന് പ്രതീക്ഷിക്കുന്നത്.
ജയസാധ്യത മാത്രം പരിഗണിച്ചാവും സ്ഥാനാര്ത്ഥിത്വമെന്നും ഇക്കാര്യത്തില് കോണ്ഗ്രസ് നേതാക്കള്ക്കിടയില് അഭിപ്രായ വ്യത്യാസമില്ലെന്നും മുല്ലപ്പള്ളി പറഞ്ഞു.
Discussion about this post