മൊണ്ടാന: വീടുകള് കയറി സാധനങ്ങള് മോഷണം നടത്തുന്നത് പുത്തരിയൊന്നുമല്ല. എന്നാല് വീട് തന്നെ മോഷ്ടിച്ചെന്ന് പറഞ്ഞാല് വിശ്വസിക്കുമോ..എന്നാല് ഇന്നു മുതല് വീട് മോഷണം പോകുക എന്നതും അവിശ്വസനീയമല്ലാതായിരിക്കുന്നു.
മിഷിഗണ് അവന്യുവില് മെഗന് പാനു തന്റെ സ്വപ്ന സൗധം പണിതുയര്ത്തിയത് തന്റെ കഠിന്നാധ്വാനം കൊണ്ട് മാത്രമാണ്. ട്രെയ്ലര് ലോക്ക് ഉപയോഗിച്ചു വളരെ സുരക്ഷിതമായാണ് വീട് സ്ഥാപിച്ചിരുന്നതെന്നും ഇവര് പറഞ്ഞു. എന്നാല് ആന നിന്നിടത്ത് പൂട പോലുമില്ലെന്ന് പറയാറില്ലേ അതുപോലെ ശനിയാഴ്ച മുതല് വീട് കാണാതായി. വീട് സ്ഥാപിച്ചിരുന്ന സ്ഥലത്തു നിന്നും മറ്റൊരു സ്ഥാനത്തേക്ക് മാറ്റാന് പദ്ധതി തയാറാക്കുന്നതിനിടയിലാണ് വീട് മോഷണം പോകുന്നത്.
സൗത്ത് സെന്റ് ലൂയിസില് നിന്നും മോഷ്ടിച്ച വീട് ഡിസംബര് 18 ബുധനാഴ്ച ഹൗസ് സ്പ്രിംഗില് നിന്നാണു കണ്ടെത്തിയതെന്ന് കൗണ്ടി ഷെറിഫ് ഡേവ് മാര് ഫക്ക് പറഞ്ഞു. മുമ്പ് ഉണ്ടായിരുന്ന സ്ഥാനത്തേക്ക് വീട് സൗജന്യമായി ടൊ ചെയ്തു കൊണ്ടു വരാമെന്നു ഹില്സ് ബറൊയിലെ ഒരു ടോയിങ്ങ് കമ്പനി സമ്മതിച്ചിട്ടുണ്ട്. ഇതു ഞങ്ങളുടെ മെഗനുള്ള ക്രിസ്മസ് സമ്മാനമാണെന്നാണ് കമ്പനി വക്താവ് അറിയിച്ചത്. വീട് ഇന്ഷ്വര് ചെയ്യുന്നതിനുള്ള പണം ഒന്നും എന്റെ കൈവശം ഇല്ലായെങ്കിലും ലോക്ക് ചെയ്തിട്ടിരുന്നു എന്നാണ് ഉടമസ്ഥ പറഞ്ഞത്.
Discussion about this post