കൊച്ചി: ഫോണിലൂടെ അശ്ലീലം പറഞ്ഞെന്ന യുവതിയുടെ പരാതിയില് നടന് വിനായകന് ഇന്ന് ചോദ്യം ചെയ്യലിനായി അന്വേഷണസംഘത്തിന് മുന്നില് ഹാജരായേക്കും. കഴിഞ്ഞ ദിവസം അഭിഭാഷകനൊപ്പം സ്റ്റേഷനിലെത്തിയ വിനായകനെ പോലീസ് അറസ്റ്റ് ചെയ്ത ശേഷം സ്റ്റേഷന് ജാമ്യത്തില് വിട്ടയച്ചിരുന്നു.
കഴിഞ്ഞ ദിവസം കല്പ്പറ്റ സ്റ്റേഷനിലെത്തിയ വിനായകനെ രണ്ട് പേരുടെ ആള് ജാമ്യത്തിലാണ് പോലീസ് വിട്ടയച്ചത്. രണ്ട് ദിവസത്തിനകം ചോദ്യം ചെയ്യലിന് ഹാജറാകണമെന്ന നിര്ദേശവും നല്കിയിരുന്നു. സ്റ്റേഷന് ഉപാധികളോടെ നല്കിയ ജാമ്യത്തില് യുവതിയെ ഫോണില് ബന്ധപ്പെടരുതെന്നും ശല്യം ചെയ്യരുതെന്നും പരാമര്ശവുമുണ്ടായിരുന്നു. ഇന്ന് ചോദ്യം ചെയ്യലിന് വീണ്ടും വിനായകന് കല്പ്പറ്റ സ്റ്റേഷനിലെത്തുമെന്നാണ് സൂചന.
അതേസമയം, പോലീസ് കസ്റ്റഡിയിലെടുത്ത യുവതിയുടെ മൊബൈല് ഫോണ് കൂടുതല് പരിശോധനകള്ക്ക് വിധേയമാക്കിക്കൊണ്ടിരിക്കുകയാണ്. ഈ വിവരങ്ങള് കൂടി ഉള്പ്പെടുത്തിയായിരിക്കും ചോദ്യം ചെയ്യല്. കഴിഞ്ഞ ഏപ്രിലില് ഒരു പൊതുപരിപാടിയില് പങ്കെടുക്കാന് ക്ഷണിക്കവേ വിനായകന് മോശമായി പെരുമാറിയെന്നായിരുന്നു ദളിത് ആക്ടിവിസ്റ്റായ യുവതിയുടെ പരാതി.
Discussion about this post