നിലമ്പൂര്: ഭാര്യയെ തീകൊളുത്തി കൊല്ലാന് ശ്രമിച്ച ഭര്ത്താവ് അറസ്റ്റില്. കുടുംബ വഴക്കിനെ തുടര്ന്നാണ് ഇയാള് ഭാര്യയെ മണ്ണെണ്ണ ഒഴിച്ച് തീകൊളുത്തിയത്. പൊള്ളലേറ്റ മുഹസിമ ഹാത്തുണിനെ മഞ്ചേരി മെഡിക്കല് കോളേജ് ആശുപത്രിയില് പ്രവേശിപ്പിച്ചു.
സംഭവത്തില് ബംഗാള് സ്വദേശിയായ ജൗഹീറുല് ഇസ്ലാമിനെ നിലമ്പൂര് പോലീസ് അറസ്റ്റ് ചെയ്തു.
നിലമ്പൂരില് കരുളായി റോഡില് വാടക ക്വാര്ട്ടേഴ്സിലാണ് ദമ്പതികള് താമസിക്കുന്നത്. ഇവര്ക്ക് രണ്ടു വയസായ ഒരു മകനുണ്ട്.
ജൗഹീറുല് മദ്യപിച്ച് വീട്ടില് എത്തിയതിനെ തുടര്ന്നാണ് ഇരുവരും തമ്മില് കലഹം തുടങ്ങിയത്. ഇതേ തുടന്ന് തന്നെ വീട്ടില് കൊണ്ടു ചെന്നാക്കാന് മുഹസിമ ആവശ്യപ്പെട്ടു. മുഹസിമയുടെ കൈവശമുള്ള പണം ജൗഹീറുല് ഇസ്ലാം ചോദിച്ചെങ്കിലും നല്കിയില്ല.
തുടര്ന്ന് ഇയാള് സ്റ്റൗവില് ഒഴിക്കാന് വെച്ച മണ്ണെണ്ണ മുഹസിമയുടെ മുഖത്തും ദേഹത്തും ഒഴിച്ച് തീകൊളുത്തുകയായിരുന്നു. നിലവിളിച്ചുകൊണ്ട് പുറത്തേക്കോടിയ മുഹസിമയെ അയല്വാസികളാണ് നിലമ്പൂര് ജില്ലാ ആശുപത്രിയില് എത്തിച്ചത്. തീപൊള്ളല് ഗുരുതരമായതിനെ തുടര്ന്ന് പ്രാഥമിക ചികിത്സക്ക് ശേഷം മുഹസിമയെ മഞ്ചേരി മെഡിക്കല് കോളെജ് ആശുപത്രിയിലേക്ക് മാറ്റി. 50 ശതമാനത്തിലേറെ പൊള്ളലേറ്റിട്ടുണ്ട് യുവതിക്ക്.
Discussion about this post