മേലാറ്റൂര്: മേലാറ്റൂര് പാതിരിമണ്ണ സ്വദേശി ഹാഷിറിനെ പോലീസ് ക്രൂരമായി മര്ദ്ദിച്ച് വ്യജക്കേസ് ചുമത്തി എന്ന പരാതിയുമായി യുവാവ് . ബുധനാഴ്ച്ച രാത്രി ചെമ്മാണിയോട് ബസ് സ്റ്റോപ്പില് വെച്ചായിരുന്നു സംഭവം. മേലാറ്റൂര് എസ്ഐ ബൈജു യുവാവിനെ മര്ദ്ദിച്ചതായുള്ള പരാതിയുമായാണ് യുവാവ് പോലീസിനെതിരെ രംഗത്തെത്തിയിരിക്കുന്നത്.
ചെമ്മാണിയോട് ബസ് സ്റ്റോപ്പില് സുഹൃത്തുക്കളോടുമായി ഹാഷിര് സംസാരിച്ചിരിക്കുമ്പോഴായിരുന്നു സമീപത്ത് താമസിക്കുന്നമേലാറ്റൂര് എസ് ഐ ബൈജു അകാരണമായി ചോദ്യം ചെയ്യുകയും മര്ദ്ദിക്കുകയും ചെയ്തത്. ലാത്തി കൊണ്ട് അടിക്കുകയും മര്ദിക്കുകയും ചെയ്തുവെന്നാണ് യുവാവ് പറഞ്ഞത്. അതെ സമയം താന് ആരെയും മര്ദ്ദിച്ചിട്ടില്ലെന്നും അസ്വാഭാവികത തോന്നിയപ്പോള് വീട്ടില് പോകാന് ആവശ്യപ്പെടുക മാത്രമാണ് ചെയ്തതെന്നുമാണ് എസ്ഐ പറയുന്നത്.
പരാതി നല്കിയതിനെ തുടര്ന്ന് സഹോദരനും സുഹൃത്ത്ക്കള്ക്കുമെതിരെ വ്യാജ കേസ് എടുത്തതായും ആക്ഷേപമുണ്ട്. എന്നാല് ആരോപണങ്ങളെ മേലാറ്റൂര് എസ്ഐ ബൈജു നിഷേധിച്ചു. സംഭവത്തില് ഹാഷിര് എസ്ഐ ക്കെതിരെ ജില്ലാ പോലീസ് സൂപ്രണ്ടിനും മനുഷ്യാവകാശ കമ്മീഷനും പരാതി നല്കിയിട്ടുണ്ട്.
Discussion about this post