തിരുവനന്തപുരം: ബലാത്സംഗക്കേസില് പ്രതിയായ രാഹുല് മാങ്കൂട്ടത്തിലിനെ എംഎല്എ സ്ഥാനത്തു നിന്നും അയോഗ്യനാക്കുന്നതിനെ എതിർക്കാൻ തീരുമാനിച്ച് കോൺഗ്രസ്.
യുഡിഎഫ് പാര്ലമെന്ററി പാര്ട്ടി യോഗത്തിലാണ് ഈ തീരുമാനമെടുത്തത്. എംഎല്എ സ്ഥാനത്തു നിന്നും അയോഗ്യനാക്കുന്നത് തെറ്റായ കീഴ് വഴക്കമാകുമെന്നാണ് യുഡിഎഫിന്റെ വിലയിരുത്തല്. റോജി എം ജോണ്, യു എ ലത്തീഫ് എന്നിവരാണ് എത്തിക്സ് കമ്മിറ്റിയിലെ യുഡിഎഫ് അംഗങ്ങള്.
പ്രതിപ്പട്ടികയില് ഉള്പ്പെട്ടു എന്നതുകൊണ്ട് ഒരാളെ അയോഗ്യനാക്കുന്നത് ശരിയല്ല. പല എംഎല്എമാരും പല കേസുകളിലും പ്രതികളാണ് എന്നും അതുകൊണ്ടുതന്നെ പ്രതിയായി എന്നതിനാല് ഒരാളെ അയോഗ്യനാക്കുന്നത് തെറ്റായ കീഴ് വഴക്കം സൃഷ്ടിക്കപ്പെടുമെന്നും ഭാവിയില് ഇത് ദുരുപയോഗം ചെയ്യാന് ഇടയാക്കുമെന്നും യുഡിഎഫ് വിലയിരുത്തുന്നു.
രാഹുല് മാങ്കൂട്ടത്തിലിനെ പിന്തുണയ്ക്കുന്ന സമീപനമല്ല, മറിച്ച് ഇത്തരമൊരു നടപടി ഉണ്ടാക്കുന്ന കീഴ് വഴക്കത്തെയാണ് എതിര്ക്കുന്നതെന്ന് കോണ്ഗ്രസ് സൂചിപ്പിക്കുന്നു.
Discussion about this post