തിരുവനന്തപുരം: മുന് സിപിഎം എംഎല്എ എസ് രാജേന്ദ്രന് ബിജെപിയില് ചേര്ന്നു. കാലങ്ങളായി പ്രവര്ത്തിച്ച് വന്നിരുന്ന പ്രസ്ഥാനത്തില് വിശ്വാസം നഷ്ടപ്പെട്ടതിനെ തുടര്ന്നാണ് രാഷ്ട്രീയ മാറ്റത്തിന് മുതിരുന്നത് എന്ന് എസ് രാജേന്ദ്രന് പ്രതികരിച്ചു.
പാര്ട്ടി സംസ്ഥാന അധ്യക്ഷന് രാജീവ് ചന്ദ്രശേഖറില് നിന്ന് എസ് രാജേന്ദ്രന് അംഗത്വം സ്വീകരിച്ചു. തിരുവനന്തപുരത്ത് ബിജെപി സംസ്ഥാന കമ്മിറ്റി ഓഫീസില് വച്ച് നടന്ന ചടങ്ങില് വെച്ചാണ് അംഗത്വം സ്വീകരിച്ചത്.
വിശ്വസിച്ച പ്രസ്ഥാനത്തെ ചതിച്ചിട്ടില്ല. പ്രസ്ഥാനത്തില് നിന്ന് ആരേയും അടര്ത്തിമാറ്റാനില്ല. പലതും സഹിച്ചു, ഉപദ്രവിക്കരുതെന്ന് പറഞ്ഞു. പൂര്ണമായി ബിജെപിയില് എന്ന് ഇപ്പോള് പറയില്ലെന്നും രാജേന്ദ്രന് പ്രതികരിച്ചു.
ഹൈറേഞ്ചിലെ പ്രശ്നങ്ങള് തീര്ക്കാന് ഇടപെടുമെന്നും ബിജെപി അധ്യക്ഷനില് നിന്ന് ഉറപ്പ് ലഭിച്ചിട്ടുണ്ട് എന്നും താനാരെയും ഒപ്പം ക്ഷണിച്ചിട്ടില്ല എന്നും രാജേന്ദ്രന് പറഞ്ഞു.
Discussion about this post