മലപ്പുറം: മലപ്പുറം ജില്ലയിലെ ജനസംഖ്യ ഉയരുന്നതിനാൽ ജില്ല വിഭജിക്കണമെന്ന ആവശ്യം വീണ്ടും ശക്തമാകുകയാണ്. മുസ്ലിം ലീഗിന് പിന്നാലെ കേരള മുസ്ലിം ജമാഅത്തും ഈ ആവശ്യവുമായി രംഗത്തെത്തി.
സംസ്ഥാന ജനസംഖ്യയുടെ 14ശതമാനത്തോളം പേര് മലപ്പുറത്താണ്. മലപ്പുറം ജില്ലയിലെ 47 ലക്ഷത്തോളം വരുന്ന ജനങ്ങള്ക്ക് നിലവിലെ ഭരണസൗകര്യങ്ങള് പരിമിതമാണെന്നും ജില്ല വിഭജിച്ചാല് മാത്രമേ വികസനവും സൗകര്യങ്ങളും എല്ലാവര്ക്കും ഉറപ്പാക്കാന് സാധിക്കൂ എന്നും കേരള മുസ്ലിം ജമാഅത്ത് ജില്ലാ പ്രസിഡന്റ് കൂറ്റമ്പാറ അബ്ദുറഹ്മാന് ദാരിമി പറഞ്ഞു.
കേരളത്തിലെ മറ്റു പല ജില്ലകളിലും ശരാശരി എട്ട് മുതല് 12 ലക്ഷം വരെ മാത്രം ജനസംഖ്യയുള്ളപ്പോള് മലപ്പുറത്ത് അതിന്റെ നാലിരട്ടിയോളം ആളുകളുണ്ട് എന്നത് വിഭജനം ആവശ്യപ്പെടുന്നവര് പ്രധാന കാരണമായി പറയുന്നു.
Discussion about this post