തിരുവനന്തപുരം: വിവാദ ശബരിമല സ്വർണ്ണക്കൊള്ള കേസിൽ പൊലീസ് അന്വേഷണം ഊർജിതമായിരിക്കുകയാണ്. ശബരിമലയിലെ സ്വര്ണ്ണ ഉരുപ്പടികള് വിറ്റുവെന്ന് വ്യവസായി മൊഴി നൽകി.
തമിഴ്നാട് സ്വദേശിയായ ഡി മണിയും ഉണ്ണികൃഷ്ണന് പോറ്റിയുമായി സ്വര്ണ ഉരുപ്പടികളുടെ ഇടപാട് നടന്നു. ഇതു തിരുവനന്തപുരത്തു വെച്ചായിരുന്നുവെന്നും വിദേശവ്യവസായിയുടെ മൊഴിയില് പറയുന്നു.
പോറ്റി സ്വര്ണ ഉരുപ്പടികള് ഇടപാടുകാരനായ ഡി മണിക്ക് കൈമാറിയെന്നും, ഈ ഇടപാടിനായി ആദ്യം തന്നെയാണ് സമീപിച്ചതെന്നും വ്യവസായി മൊഴി നല്കിയതായാണ് സൂചന.
എന്നാല് പൊലീസ് അന്വേഷിക്കുന്ന ഡി മണി താനല്ലെന്നാണ് എസ്ഐടിയോട് പറഞ്ഞത്. എസ്ഐടി ഇക്കാര്യം വിശ്വാസത്തിലെടുത്തിട്ടില്ലെന്നാണ് വിവരം. മണിയോട് ചൊവ്വാഴ്ച ചോദ്യം ചെയ്യലിനായി തിരുവനന്തപുരത്ത് എത്താന് നിര്ദേശിച്ചിട്ടുണ്ട്.
Discussion about this post