കോഴിക്കോട്: കോഴിക്കോട് പ്രായപൂര്ത്തിയാവാത്ത വിദ്യാര്ത്ഥിനിയെ ലൈംഗികമായി പീഡിപ്പിച്ച യുവാവ് അറസ്റ്റില്. പുതിയങ്ങാടി വെസ്റ്റ്ഹില് സ്വദേശി അമ്പാടി വീട്ടില് മഹി(20)യാണ് പിടിയിലായത്.
വെള്ളയില് പൊലീസ് ആണ് പോക്സോ നിയമപ്രകാരം യുവാവിനെ അറസ്റ്റ് ചെയ്തത്. പ്ലസ് വണ് വിദ്യാര്ത്ഥിനിയും വെസ്റ്റ്ഹില് സ്വദേശിനിയുമായ 16കാരിയെയാണ് പ്രതി നിരവധി തവണ പീഡിപ്പിച്ചത്.
വിദ്യാര്ത്ഥിനി തന്നെയാണ് പോലീസിൽ പരാതി നൽകിയിരിക്കുന്നത്. പ്രതി 2024 ഡിസംബര് മുതല് പല പ്രാവശ്യമായി പെൺകുട്ടിയെ ലൈംഗികമായി പീഡിപ്പിച്ചുവെന്നാണ് പരാതിയിൽ പറയുന്നത്.
പരാതിയില് വെള്ളയില് പൊലീസ് കേസ് റജിസ്റ്റര് ചെയ്ത് അന്വേഷണം നടത്തി വരികയായിരുന്നു. വെള്ളയില് പരിസരത്ത് നിന്നുമാണ് പ്രതിയെ കസ്റ്റഡിയിലെടുത്തത്. അറസ്റ്റ് രേഖപ്പെടുത്തിയ പ്രതിയെ കോടതിയില് ഹാജരാക്കി റിമാന്ഡ് ചെയ്തു.
Discussion about this post