കല്പ്പറ്റ: വയനാട്ടിൽ വനിതാ ബീറ്റ് ഓഫീസറെ പീഡിപ്പിക്കാന് ശ്രമിച്ച വനംവകുപ്പിലെ സെക്ഷന് ഓഫീസർക്കെതിരെ നടപടി. ആരോപണ വിധേയനായ വനംവകുപ്പിലെ സെക്ഷന് ഓഫീസര് കെ കെ രതീഷ് കുമാറിനെ സസ്പെന്ഡ് ചെയ്തു.
ഉത്തരമേഖല ചീഫ് ഫോറസ്റ്റ് കണ്സര്വേറ്റര് ബി എന് അന്ജന്കുമാര് ആണ് നടപടിയെടുത്തത്. സെപ്റ്റംബര് ഒന്നിനായിരുന്നു കേസിനാസ്പദമായ സംഭവം.രാത്രി ഡ്യൂട്ടിയുണ്ടായിരുന്ന വനിതാ ബീറ്റ് ഓഫിസറുടെ മുറിയിലേക്ക് രതീഷ് അതിക്രമിച്ച് കടക്കുകയും പീഡിപ്പിക്കാന് ശ്രമിക്കുകയുമായിരുന്നു
പരാതിയില്നിന്ന് പിന്മാറാന് യുവതിയെ രതീഷ് കുമാര് പ്രേരിപ്പിക്കാന് ശ്രമിക്കുന്ന ശബ്ദരേഖ പുറത്തു വന്നിരുന്നു. സംഭവം വിവാദമായതിനു പിന്നാലെ രതീഷിനെ കല്പറ്റ റേഞ്ച് ഓഫിസിലേക്ക് സ്ഥലം മാറ്റിയിരുന്നു. ഇതിനുശേഷമാണ് തെറ്റുപറ്റിയെന്നും നാറ്റിക്കരുതെന്നും രതീഷ് കുമാര് വനിതാ ഓഫിസറോട് ഫോണില് ആവശ്യപ്പെട്ടത്.
Discussion about this post